काठमाडौँ । नेपालमा पछिल्लो २४ घन्टामा थप २४२१ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ७४६१ जनामा गरिएको पिसिआर परीक्षणमा १५११ र ४९५३ जनामा गरिएको एन्टिजेन परीक्षणमा ९१० जनामा संक्रमण पुष्टि भएको हो ।
बुधबार ३५५८ जना संक्रमणमुक्त भएका छन् । नेपालमा हालसम्म कोरोना संक्रमणबाट मुक्त हुने कुल संख्या ५ लाख ६८ हजार ४४० जना पुगेको छ ।
यस्तै, बुधबार कोरोना संक्रमणबाट ८१ जनाको मृत्यु भएको छ । जसमध्ये पछिल्लो २४ घन्टामा ५२ जनाको मृत्यु भएको हो । बाँकी २९ जना भने सेनाले व्यवस्थापन गरेको शव विगतको तथ्यांकमा छुट भएकाको संख्या समावेश गरिएको हो ।
योसँगै कोरोना भाइरसबाट हालसम्म मृत्यु हुनेको कुल संख्या ८८९४ पुगेको छ ।
प्रतिक्रिया