काठमाडौँ । नेपालमा पछिल्लो २४ घन्टामा ५७६३ जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार कुल १४ हजार ९६९ नमुना परीक्षण गरिएकामा उक्त सङ्ख्यामा कोभिड–१९ पुष्टि भएको हो । हालसम्म संक्रमितको संख्या ३ लाख २८ हजार ८९३ पुगेको छ ।
यस्तै, उपचारपछि निको भएर घर फर्किनेको सङ्ख्या १२८७ जना रहेका छन् । योसहित निको हुनेको संख्या २ लाख ८२ हजार ३८२ पुगेको छ । पछिल्लो २४ घन्टामा मृत्यु हुनेको सङ्ख्या १९ पुगेको छ । हालसम्म मृत्यु हुनेको संख्या ३२९८ पुगेको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार देशभर ४० हजार १०३ जना होम आइसोलेसनमा तथा संस्थागत आइसोलेसनमा तीन हजार ११० रहेका छन् । पछिल्ला २४ घन्टामा दुई हजार ४५५ महिला र तीन हजार २५१ पुरुष सङ्क्रमित भएका छन् ।
काठमाडौँमा एक हजार ९३२ जना सङ्क्रमित फेला परेको मन्त्रालयले जनाएको छ । यस्तै, भक्तपुरमा २०८ र ललितपुरमा ३५५ सङ्क्रमित फेला परेका छन् ।
यस्तै, ४०१ जना आइसियूमा उपचाररत छन् भने ११० जना भेन्टिलेटरमा छन् । आइसियू श्ययाको कुल सङ्ख्या १२०३ र ५०८ भेन्टिलेटर छन् ।
प्रतिक्रिया