काठमाडौँ । नेपालमा पछिल्लो २४ घन्टामा ४८९७ मा कोरोना सङ्क्रमण पुष्टि भएको छ । पछिल्लो २४ घन्टामा १४ हजार ८३४ जनाको परीक्षण गर्दा ४८९७ मा कोरोना पुष्टि भएको स्वास्थ्य तथा जनसङ्ख्या मन्त्रालयले जनाएको हो । 

 

१३« हजार ८७९ को पिसिआर गर्दा ४७७४ र ९५५ जनाको एन्टिजेन गर्दा १२३ जनामा कोरोना पुष्टि भएको हो । कूल सङ्क्रमितमध्ये हाल ३० हजार २०९ सक्रिय सङ्क्रमित छन् । 

 

त्यस्तै कूल सङ्क्रमितमध्ये दुई हजार ४७ जना मात्र काठमाडौँ उपत्यकामा भेटिएका छन् । काठमाडौँमा एक हजार ४६४, ललितपुरमा ३५१ र भक्तपुरमा २३२ सङ्क्रमित भेटिएको मन्त्रालयले जनाएको छ । 

 

पछिल्लो २४ घन्टामा रिपोर्ट प्राप्त भएअनुसार १७ सङ्क्रमितको मृत्यु भएको मन्त्रालयले जनाएको छ । हालसम्म मृत्यु हुने सङ्क्रमितको सङ्ख्या तीन हजार २११ पुगेको छ । 

 

पछिल्लो २४ घन्टामा ७७३ जना उपचारपछि निको भएर घर फर्किएका छन् । नेपालमा ५०० बढी संक्रमित हुने जिल्लामा निषेधाज्ञा जारी गरिएको छ ।