चितवन । चितवनमा कोरोना सङ्क्रमितको संख्या बढ्दै गएपछि आज वैशाख १६ गते रातिदेखि निषेधाज्ञा गर्ने निर्णय गरिएको छ । बुधबार जिल्ला क्राइसिस म्यानेजमेन्ट सेन्टर (डिसिएमसी) चितवनको बैठकले वैशाख १६ गते राति १२ बजेदेखि वैशाख ३१ गते राति १२ बजेसम्म निषेधाज्ञा जारी गर्ने निर्णय गरेको हो ।
चितवनमा कोरोना संक्रमितको संख्या ५०० नाघेसँगै निषेधाज्ञा गर्ने निर्णय गरिएको जिल्ला क्राइसिस म्यानेजमेन्ट सेन्टर (डिसिएमसी) चितवनका संयोजक एवं प्रमुख जिल्ला अधिकारी प्रेमलाल लामिछानेले जानकारी दिए ।
चितवनमा बुधबारसम्म सक्रिय सङ्क्रमितको संख्या ५८५ पुगेको छ । पछिल्लो २४ घन्टामा थप १८३ जना कोरोना संक्रमित थपिएसँगै कुल सक्रिय संक्रमितको संख्या ५८५ पुगेको जिल्ला स्वास्थ्य कार्यालय चितवनले जनाएको छ ।
पछिल्लो २४ घन्टामा थपिएका सङ्क्रमितमध्ये भरतपुर महानगरपालिकाका मात्रै १०३ जना रहेका छन् । यस्तै, रत्ननगर नगरपालिकाका २० जना, खैरहनी नगरपालिकाका ६ जना, माडी नगरपालिका २ जना, राप्ती, कालिका र इच्छाकामनाका एक÷एक जना सङ्क्रमित थपिएका छन् ।
प्रतिक्रिया