काठमाडौँ । नेपालमा कोरोना संक्रमणबाट मृत्यु हुनेको संख्या हालसम्मकै उच्च रहेको स्वास्थ्य तथा जनसंख्या मन्त्रालयले जनाएको छ ।    

   

आइतबार मन्त्रालयले गरेको प्रेस भेटघाटका क्रममा नेपालका विभिन्न अस्पतालमा गत चौबिसघन्टामा २८ जनाको मृत्यु भएको जनाएको हो । यो हालसम्मकै उच्च हो ।   

   

नेपालमा गत चौबिसघन्टामा ३०३२ जना संक्रमित भएका छन् । यससँगै कोरोना संक्रमितको संख्या तीन लाख नाघेको छ । आइतबारसम्म कुल संक्रमितको संख्या तीन लाख ११९ पुगेको मन्त्रालयले जनाएको छ ।    

   

यस्तै, गत  चौबिसघन्टाभित्र निको हुनेको संख्या ४५० पुगेको छ । यससहित २ लाख ७७ हजार ५७३ जना निको भएको पनि मन्त्रालयले जनाएको छ । हालसम्म सक्रिय संक्रमितको संख्या १९ हजार ३८२ पुगेको छ । जसमा सबैभन्दा बढी काठमाडौँ उपत्यकाका रहेका छन् ।