मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

नेपाल   

एकैदिन थपिए २३५१ सङ्क्रमित, छ जनाको मृत्यु

एकैदिन थपिए २३५१ सङ्क्रमित, छ जनाको मृत्यु


काठमाडौँ । नेपालमा कोभिड–१९ को सङ्क्रमण दिनदिनै बढ्दै गएको छ । स्वास्थ्य तथा जनसङ्ख्या मन्त्रालयले गरेको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले दैनिक सङ्क्रमित हुनेको सङ्ख्या बढिरहेको जानकारी दिए ।
 
उनले आज मात्र दुई हजार ३५१ मा सङ्क्रमण देखिएको जानकारी दिए । मङ्गलबार एक हजार ७३६ जना सङ्क्रमित थपिएका थिए । यस्तै गत सोमबार एक हजार २८१, आइतबार एक हजार ९६, शनिबार ८४३, शुक्रबार ९०० जनामा सङ्क्रमण देखिएको थियो ।
 
आठ हजार ८८४ नमूनाको पिसिआर परीक्षण गर्दा दुई हजार २२० र ८०३ मा एन्टिजेन टेष्ट गर्दा १३१ मा सङ्क्रमण पुष्टि भएको हो । अहिलेसम्म दुई लाख ८९ हजार ७८७ जना सङ्क्रमित भएका छन् ।
 
काठमाडौँ उपत्यकामा एक हजार ५१ मा सङ्क्रमण देखिएको छ । उहाँका अनुसार भक्तपुरमा ८४, ललितपुर १८१ र काठमाडौँमा ७८६ जनामा सङ्क्रमण देखिएको छ । मन्त्रालयका प्रवक्ता डा गौतमले आज २८७ जना उपचारपछि घर फर्किएका छन् । अहिलेसम्म दुई लाख ७६ हजार ९३ जना निको भई घर फर्किएका छन् । सङ्क्रमण मुक्त हुने दर ९७।३ प्रतिशत रहेको छ ।
 
अहिलेसम्म सक्रिय सङ्क्रमितको सङ्ख्या १० हजार ५८२ जना संस्थागत आइसोलेसन ८३६ जना र होम आइसोलेसनमा नौ हजार ७४६ जना छन् । यस्तै सङ्क्रमितमध्ये १८० जना सघन उपचार कक्ष ४७ जना भेन्टिलेटरमा उपचार गराइरहेका छन् ।
 
यस्तै विगत २४ घन्टामा सङ्क्रमणबाट छ जनाको निधन भएको छ । अहिलेसम्म तीन हजार ११२ जनाको सङ्क्रमणबाट निधन भएको छ । यस्तै नेपाल–भारतका नौ वटा सीमानाकामा ८०३ जनाको कोरोना भाइरस परीक्षण गर्दा १३१ जनामा सङ्क्रमण देखिएको उनले जानकारी दिए । रासस