साओ पाउलो । ब्राजिलमा गत २४ घन्टामा कोरोना भाइरस संक्रमणको कारण १३५१ जनाको मृत्यु भएको सरकारी स्रोतले शुक्रबार जानकारी दिएको छ ।  

 

सो अवधिमा ब्राजिलमा ५४ हजार ७४२ जना थप व्यक्ति कोरोना भाइरस संक्रमित भएपछि कुल संक्रमितको संख्या ९७ लाख १३ हजार ९०९ जना पुगेको सिन्हवा समाचार समितिले जानकारी दिएको छ । 

 

ब्राजिलमा कोरोना भाइरसको संक्रमण शुरुभए यता हालसमम २ लाख ३६ हजार २०१ जनाको मृत्यु भएको यहाँको स्वास्थ्य मन्त्रालयले शुक्रबार जानकारी दिएको छ ।   

 

कोरोना भाइरसबाट विश्वभरी १० करोड ८३ लाखभन्दा बढी संक्रमित भएका छन् । यसको संक्रमणको कारण विश्वभरी २३ लाख ७९ हजार भन्दा बढीको मृत्यु भएको छ । 

 

सन् २०१९ को डिसेम्बरबाट चीनको हुबे प्रान्तको वुहान सहरबाट सुरु भएको यस कोरोना भाइरस संक्रमणबाट ८ करोड ३ लाख ६० हजारभन्दा बढी व्यक्ति मुक्त भएका छन् । एजेन्सी