काठमाडौँ । नेपालमा सोमबार २२५३ जनामा कोरोना संक्रमण पुष्टि भएको छ । यससँगै कुल संक्रमितको संख्या ८९ हजार २६३ पुगेको छ । स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले दिएको जानकारीअनुसार पछिल्लो चौबीसघन्टामा १९ जनाको मृत्यु भएको छ । यससँगै कोरोना संक्रमणबाट मृत्यु हुनेको संख्या ५५४ पुगेको छ ।
एकैदिन कोरोना संक्रमण निको भई ११३३ जना डिस्चार्ज भएका छन् । हालसम्म डिस्चार्ज हुनेको संख्या ६५ हजार २०२ पुगेको छ । जुन कुल संक्रमितको ७३।७९ प्रतिशत हो ।
काठमाडौँ उपत्यकामा थप १५३१ जना संक्रमित थपिएका छन् । काठमाडौँका ११७८, ललितपुरका २५९ र भक्तपुरका १०३ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
हालसम्म उपत्यकाभित्र संक्रमित हुनेको संख्या ३० हजार १९९ पुगेको छ । जसमा काठमाडौँमा कुल २२ हजार ७३८, ललितपुरमा ३ हजार ४२५ र भक्तपुरमा २ हजार ४६९ जना रहेका छन् ।
देशभर अन्य संक्रमितहरुमा सुनसरीका १२२ जना, चितवनका १०३, रौतहटका ८४, नवलपुरका ६६, रुपन्देहीका ५८, मोरङका ५५, काभ्रे र कास्कीका ३६/३६ जना, कैलालीका ३३, सुर्खेतका ३०, बाँकेका २२, बाग्लुङका १८, गोरखा र गुल्मी १७/१७ जना, मकवानपुरका १५, अर्घाखाँचीका १३, धादिङ र रामेछापका १२/१२ जना, नुवाकोट र तनहुँका १०/१० जना रहेका छन् ।
यस्तै, सर्लाहीका ९ जना, झापा, पर्सा, बारा, कपिलवस्तु र बर्दियाका ८र८ जना, सिराहा, दाङ, पाल्पा र कञ्चनपुरका ६/६ जना, उदयपुर, सप्तरी, सिन्धुपाल्चोक, नवलपरासी र प्युठानका ५/५ जना, स्याङ्जाका ४, ओखलढुंगा, खोटाङ, पर्वत र दैलेखका ३/३ जना, महोत्तरी, सिन्धुली, लजमुङ, डडेलधुरा, डोटी, दार्चुला र बैतडीका २/२ जना रहेका छन् ।
यसैगरी, इलाम, तेह्रथुम, धनकुटा, संखुवासभा, धनुषा, दोलखा, कालीकोट, रुकुम पश्चिम, सल्यान, अछाम, बझाङ र बाजुराका १/१ जनामा संक्रमण पुष्टि भएको मन्त्रालयले जनाएको छ ।
मोरङ, सिरहा, ललितपुर, काठमाडौँ, चितवन, भक्तपुर र रुपन्देहीमा पाँच सय बढी सक्रिय सङ्क्रमित रहेका छन् । कोभिड–१९ शून्य भएका जिल्लामा मनाङ, मुस्ताङ र डोल्पा रहेका छन् ।
प्रवक्ता डा गौतमका अनुसार देशभरका ३९ वटा प्रयोगशालामा थप १३ हजार ७८१ जनासहित हालसम्म १० लाख ८८ हजार २२९ जनाको पिसिआर विधिबाट परीक्षण गरिएको छ भने ३ लाख १२ हजार ४०२ जनाको आरडिटी विधिबाट परीक्षण गरिएको छ । उनका अनुसार हाल ४ हजार ३३ जना क्वारेन्टाइनमा र २३ हजार ५०७ जना आइसोलेसनमा रहेका छन् ।
२३ हजार ५०७ जना सक्रिय सङ्क्रमितमध्ये १२ हजार ३१६ जना होम आइसोलेसनमा र ११ हजार १९१ जना संस्थागत आइसोलेसनमा छन् । मन्त्रालयका अनुसार देशभर २४४ जना कोरोना सङ्क्रमित विभिन्न अस्पतालको सघन उपचार कक्षमा र ४३ जना भेन्टिलेटरमा उपचाररत छन् ।
प्रतिक्रिया