नयाँदिल्ली । भारतमा विगत २४ घन्टाको अवधिमा कोरोना भाइरस संक्रमित व्यक्तिको संख्या ६५ हजार १५६ जना रहेको केन्द्रीय स्वास्थ्य तथा परिवार कल्याण मन्त्रालयले जनाएको छ । 

 

मन्त्रालयका अनुसार २४ घन्टाको अवधिमा कोरोना भाइरस संक्रमित व्यक्तिमध्ये ८७५ जनाको मृत्यु भएको छ । भारतमा योसहित मृत्यु भएका व्यक्तिको कुल संख्या ४३ हजार ८४४ पुगेको छ । साथै कुल संक्रमितको संख्या पनि २१ लाख ८७ हजार ४८२ पुगेको छ । 

 

स्वास्थ्य अधिकारीहरुका अनुसार कुल संक्रमितमध्ये १५ लाख ६ हजार ४१३ जना निको भएर डिस्चार्ज भएका छन् । अहिले पनि ६ लाख ३७ हजार २२५ जना विभिन्न स्वास्थ्य केन्द्रमा उपचार गराइरहेका छन् ।

 

भारतीय चिकित्सा अनुसन्धान परिषदले अगष्ट ८ का दिन ७ लाख १९ हजार ३६४ जनाको परीक्षण गरिएको जनाउँदै कोरोना संक्रमण देखिन थालेयता हालसम्म कुल २ करोड ४१ लाख ६ हजार ५३५ जनाको नमुना परीक्षण गरिएको बताएको छ । एएनआई