हिमालयखवर संवाददाता

(अस्टिन) अमेरिका- टेक्ससको राजधानी अस्टिन  र टेम्पल सहरको बिचमा पर्ने  केलेंनमा बस्दैआएका  एक जना नेपाली युवा बस्दै आएको घरको ग्यारेजमा मृत अवस्थामा फेला परेका छन् । साथीहरुसंग वस्दै आएका पारस खड्का मंगलवार सांझ मृत अवस्थामा फेला परेका हुन्् । साथिहरुले सोधखोज गर्दा खड्का घाटीमा तारको पासो बेरिएको अवस्थामा भेटिएका थिए ।  उनले आत्महत्या गरेको आशंका गरिएको छ । 

 

नेपालवाट करिव ५ बर्ष अघि खड्का डिभी परेर अमेरिका आएका थिए । कोभिड १९ संक्रमण महामारी फैलिएपछि उनले काम गर्न छाडेका थिए । त्यसवेला कयौं अन्य नेपालीले पनि कामगर्न गएका थिएनन । उनीसगै वस्ने प्राय सवै काममा फर्किए पनि उनी केही दिन देखि काममा समेत गएका थिएनन । सगैं वस्ने साथिहरु काममा गएको वेला उनले तारको पासो लगाएर आत्महत्या गरेको आशंका गरिएको छ । 

 

नेपालमा रुकुम घर भएका अन्दाजी २६ बर्षका खड्का जनसम्पर्क समिति अमेरिकाका स्थानिय संयोजक पनि थिए । सगैं वस्ने साथिहरुले खड्कालाई घरभित्र नदेखेपछि खोज्न थालेका थिए । साथिहरुले नै खोज्ने क्रममा पासो लगाएको अवस्थामा ग्यारेजमा देखेपछि प्रहरीलाई जानकारी गराएका थिए । खड्काको परिवार नेपालमै रहेको वताईएको छ । 

 

के कारणले खड्काले आत्महत्या गरे यो खुलेको छैन ।