काठमाडौँ । विश्वव्यापी महामारी बनेको कोरोना भाइरस (कोभिड(१९) बाट विश्वभर मृत्यु हुनेको संख्या सोमबार रातिसम्म ४ लाख ७ हजार नाघेको छ भने संक्रमितको संख्या ७१ लाख ३६ हजार ७५६ पुगेको विश्व स्वास्थ्य संगठन (डब्लुएचओ) ले जनाएको छ ।  

 

सोमबार रातिसम्म प्राप्त समाचारअनुसार कोरोना भाइरसको कारण बिरामी भएका ३४ लाख ८१ हजार ८२२ जना निको भएका छन् । हाल विश्वभरीमा कोरोना भाइरस संक्रमित ३२ लाख ४७ हजार ८५२ व्यक्ति उपचाररत रहेका छन् ।

 

संक्रमितहरुमा ५३ हजार ९०४ जनाको अवस्था गम्भीर रहेको जनाइएको छ । चीनको हुबे प्रान्तको उहान सहरबाट गत वर्षको डिसेम्बरको अन्त्यमा सुरु भएको कोरोना भाइरस संक्रमणको कारण संयुक्त राज्य अमेरिका अत्यन्त प्रभावित भएको छ ।

 

डब्लुएचओका अनुसार संयुक्त राज्य अमेरिकामा मात्र २० लाख १० हजार ४४२ जनामा कोरोना भाइरस संक्रमण रहेको छ । यस प्रकोपको कारण अमेरिकामा १ लाख १२ हजार ५४९ व्यक्तिको मृत्यु भएको छ ।

 

दक्षिणमा अमेरिकामा ११ लाख ५२ हजार ९०८ जना कोरोना भाइरस संक्रमित रहेका छन् । यहाँ ५१ हजार १२६ जनाको मृत्यु भएको छ । उत्तर अमेरिकामा २२ लाख ८५ हजार ७५४ जना कोरोना भाइरस संक्रमति रहेका छन् । यहाँ १ लाख ३५ हजार ८३८ जनाको मृत्यु भएको छ । 

 

युरोपमा २१ लाख ७ हजार ६७४ जना कोरोना भाइरस संक्रमित रहेका छन् भने १ लाख ७९ हजार २१९ को मृत्यु भएको छ । एसियामा १३ लाख ८७ हजार ३५५ जनामा कोरोना भाइरस संक्रमित रहेका छन् भने ३५ हजार ५१२ जनाको मृत्यु भएको छ ।

 

अफ्रिकामा १ लाख ९३ हजार ४५५ जनामा कोरोना भाइरस संक्रमण रहेको छ भने ५ हजार २३४ जनाको मृत्यु भएको छ । यस्तै, ओसियाना ८ हजार ८७५ जनामा कोरोना भाइरस संक्रमण रहेको छ भने १२४ जनाको मृत्यु भएको छ । एएफपीको सहयोगमा