हिमालयखवर संवाददाता- 

अमेरिका – मोबाइलमा जिपिएस हेरेर गाडी चलाउनुहुन्छ भने अब कागजी नक्सामा फर्किनुस् । स्मार्टफोनलाइ एक वर्षको लागि अाफूबाट अलग बनाउनुस् । यति गर्न सक्नुभयो भने तपाइले एकलाख डलर पाउनु हुनेछ ।

 

पक्कै पत्यार लागेन ? तपाइ विश्वास नगर्न पनि सक्नुहुन्छ । तर यो सत्य हो कि भिटामिन वाटरले स्मार्टफोनमा लत लागेकाहरूबीच यस्तो खालको प्रतिस्पर्धा गराउन लागेको हो । प्रतियोगितामा सहभागी हुनेले एक वर्षसम्म कुनै पनि स्मार्टफोन, ट्याबलेट हेर्न र प्रयोग गर्न पाउनेछैनन् । अाफ्ना साथी वा पति, पत्नीको स्मार्टफोन या ट्याबलेट समेत प्रयोग गर्न पाइदैन ।

 

यो प्रतियोगितामा सहभागी हुन इच्छुकले भिटामिनवाटरको ट्विटर या इन्स्टाग्राममा गएर एक वर्षको अवधिमा स्मार्टफोन, ट्याबलेटमा स्क्रोलडाउन गर्नुको बदला के गर्ने हो त्यस बारेमा लेख्नुपर्नेछ । यसैका अाधारमा प्रतियोगीहरूको छनाैट हुनेछ । प्रतियोगितामा सहभागी हुन चाहने जति सबैले अवसर भने पाउने छैनन् ।

 

अमेरिकामा बसोबास गर्दै अाएका, १८ वर्षभन्दा माथिकाले यो प्रतियोगितामा सहभागिता जनाउन सक्ने जनाइएको छ । 

 

अफिसियल कामका लागि स्मार्टफोनको प्रयोग गर्नैपर्ने व्यक्तिले यो प्रतियोगितामा सहभागिता जनाउन पाउनेछैनन् । छलकपट गर्न पनि नपाइने जनाइएको छ । छलीलाइ रोक्न कम्पनीले एक प्रकारको डिटेक्टर प्रयोगमा ल्याउनेछ । 

 

प्रतियोगितामा सहभागी हुनेले झण्डै २० वर्ष पुरानो प्रविधिको मोबाइल फोन प्रयोग गर्न पाउनेछन् । जसमा कल गर्न र कल रिसिभ गर्नमात्र मिल्छ । प्रतियोगीले साथीको स्मार्टफोन या ट्याबलेट समेत प्रयोग गर्न, हेर्न पाउनेछैनन् ।

ल्यापटप र कम्प्युटर भने प्रयोग गर्न दिइनेछ ।

 

प्रतियोगितामा सहभागी भएर नाै महिनासम्म टिक्न सक्नेले १० हजार डलर पाउनेछन् । नो फोन फर अ इएर नामाकरण गरिएको यो कार्यक्रम निकै रमाइलो छ । थपमा स्मार्टफोनमा झुण्डिएर बस्नेहरूलाइ चप चुनाैतियुक्त त छँदैछ । तस्बिर: सामाजिक संजाल