भारतका धनी गौतम अडानीले एक साताको विचमै झण्डै ४० अर्व अमेरिकी डलर बरावरको सम्पत्ति गुमाएका छन् । उनले सम्पत्ति मात्र गुमाएनन एशियाको सवैभन्दा धनीको सुचीवाट पनि तल झरेका छन् । विश्वका १० अर्वपतिको सुची पनि वाहिरिएका छन् ।

एक सातामै यस्तो कसरी भयो । कारण थियो अडानी ग्रुपका वारेमा एक अमेरिकी रिसर्च फर्म हिंडनवर्गले सार्वजनिक गरेको रिपोर्ट । उक्त रिपोर्टमा अडानी समुह ऋणमा डुब्दै गरेको, यस समुह मातहत रहेका कम्पनीको शेयर मूल्य वास्तविकता भन्दा उच्च रहेको उल्लेख थियो । यो रिपोर्ट सार्वजनिक भए लगत्तै अडानी समुहका कम्पनीको शेयर मूल्यमा भारी गिरावट आउन थाल्यो । यही भएर अडानीको सम्पत्ति पनि घटेको हो ।

गत २७ जनवरीमा रिसर्च फम हिंडनवर्गले सार्वजनिक गरेको रिपोर्टमा अडानी इन्टरप्राइजेजका अधिकांश कम्पनी ऋणमा डुवेको उल्लेख छ । उक्त रिसर्च फर्मले अडानी इन्टरप्राइजेजका वारेमा १०६ पेज लामो रिपोर्ट सार्वजनिक गरेको थियो । हिंडनवर्ग शेयर बजारमा अल्पकालिन कारोवार गर्ने कम्पनी हो । अडानीले भने उक्त रिपोर्टको खण्डन गरेका छन् । शेयर कारोवारलाई प्रभावित गरेर फाइदा लिन यस्तो रिपोर्ट सार्वजनिक गरिएको उनको आरोप छ । रिपोर्टमा कुनै सत्यता नभएको पनि गौतम अडानीले दावी गरेका छन् ।

अडानी इन्टरप्राइजेजले शेयर बजारवाट थप पैसा उठाउन लागेको वेला यो रिर्पोट सार्वजनिक भएको थियो । यो रिर्पोट पछि नयां निष्काशन रद्द गर्ने र त्यहां जम्मा भएको पैसा फिर्ता दिने भएको छ ।

अडानी इन्टरप्राइजेजको शेयरको मूल्य वढेकाले अडानी धनीहरुको सुचीमा छिटो समयमा अग्रणी स्थानमा पुगेका थिए । तर, शेयरको मूल्य घटेपछि धनीको सुचीमा उनी अहिले १५ औं नम्बरमा पुगेका छन् । अहिलेपनि उनीसंग भएको सम्पत्तिको मूल्य करिव ७५ अर्ब डलर भने छ ।

भारतको गुजरातको अडानी समुह त्यहांका प्रधानमन्त्री नरेन्द्र मोदी निकट मानिन्छन् । उनलाई मोदीसंगको निकटतावाट फाइदा लिएको आरोप पनि लाग्ने गरेको छ । तस्बिर : सामाजिक संजाल