काठमाडौँ । नेपालमा पछिल्लो २४ घन्टामा थप एक हजार ९२० जनामा कोरोना भाइरस (कोभिड–१९) सङक्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार पछिल्लो २४ घन्टामा छ हजार जनामा पिसिआर परीक्षण गर्दा एक हजार ३५३ मा कोरोना सङ्क्रमण पुष्टि भएको हो । त्यसैगरी ३८३६ जनामा एन्टिजेन परीक्षण गर्दा ५६७ जनामा गरी जम्मा एक हजार ९२० जनामा सङ्क्रमण पुष्टि भएको मन्त्रालयले जनाएको छ ।
योसँगै नेपालमा हालसम्म ६ लाख ६५ हजार ७७७ जना कोरोना सङ्क्रमित भएका छन् । बितेको २४ घन्टामा उपत्यकामा ४२४ जना सङ्क्रमित थपिएका छन् ।
यस्तै, आइतबार थप ३०७ जना निको भएका छन् । गत २४ घन्टामा कोरोना कारण ३४ जनाको मृत्यु भएको छ । योसहित नेपालमा कोरोना संक्रमणका कारण ज्यान गुमाउनेको संख्या ९००९ पुगेको छ ।
प्रतिक्रिया