काठमाडौँ । नेपालमा गत चौबीसघन्टामा ८८५० जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार आइतबार १८ हजार ७८७ पिसिआर परीक्षण गरिएकोमा ८७७७ जना र ५०६ एन्टिजेन परीक्षणमा ७३ जना गरी कुल ८८५० पुष्टि भएको हो । 

 

पछिल्लो २४ घन्टामा कोरोना संक्रमणबाट ८८ जनाको निधन भएको स्वास्थ्य मन्त्रालयले जनाएको छ । मृत्यु भएकामध्ये विभिन्न मितिमा कोरोना संक्रमणका कारण मृत्यु भएर सरकारी तथ्यांकमा समावेश नभएका थप २६ जना रहेको मन्त्रालयका प्रवक्ता डा. जागेश्वर गौतमले जनाएका छन् । योसहित नेपालमा कोरोना संक्रमणबाट मृत्यु हुनेको संख्या ३७२० पुगेको छ । 

 

आइतबारसम्म कुल ८८ हजार १६० जना सक्रिय संक्रमित रहेकोमा ८१ हजार ४३० जना होम आइसोलेसन र ६७३० जना संस्थागत आइसोलेसनमा रहेका छन् । 

 

यस्तै, आइतबार ४०२२ जना निको भएका छन् । हालसम्म निको हुनेको संख्या ७६.७२ अर्थात् ३ लाख २ हजार ७८७ जना रहेका छन् ।