जेनेभा । विश्वमा कोरोना भाइरस सङ्क्रमितको संख्या दुई करोड २१ लाख नाघेको छ । विश्व स्वास्थ्य संगठन (डब्लुएचओ) ले मंगलबार दिएको जानकारीअनुसार विश्वमा दुई करोड २१ लाख २० हजार ९६९ व्यक्ति कोरोना भाइरस सङ्क्रमित भएका छन् ।

 

कोरोना भाइरस सङ्क्रमणको कारण विश्वभरी सात लाख ७८ हजार ८८३ जनाको मृत्यु भएको पनि सो संगठनले जनाइएको छ । मंगलबारसम्म विश्वभरीमा एक करोड ४८ लाख ५४ हजार ४७५ जना व्यक्ति कोरोना सङ्क्रमणबाट मुक्त भएका छन् । 

 

विश्वभरमा हाल ६४ लाख ८७ हजार ६११ व्यक्ति कोरोना भाइरस सङ्क्रमित रहेका र उनीहरुको उपचार भइरहेको छ । सङ्क्रमितमध्ये ६२ हजार १९७ जनाको अवस्था गम्भीर रहेको जनाइएको छ ।

 

चीनको हुबे प्रान्तको वुहान सहरबाट गत वर्षको डिसेम्बरको अन्त्यबाट सुरु भएको कोरोना भाइरस सङ्क्रमणको कारण अमेरिका सबैभन्दा बढी प्रभावित भएको छ । 

 

डब्लुएचओका अनुसार संयुक्त राज्य अमेरिकामा मात्र ५६ लाख २१ हजार ३४२ जनामा कोरोना भाइरसका सङ्क्रमित रहेका छन् । यस प्रकोपका कारण अमेरिकामा एक लाख ७४ हजार ७४ व्यक्तिको मृत्यु भइसकेको बताइएको छ ।

 

दक्षिण अमेरिकामा ५३ लाख २९ हजार ८०५ जना कोरोना भाइरस सङ्क्रमित रहेका छन् । यहाँ एक लाख ७७ हजार ७०० जनाको मृत्यु भएको छ । उत्तर अमेरिकामा ६६ लाख २८ हजार २०० जना कोरोना भाइरस सङ्क्रमित रहेका छन् । यहाँ दुई लाख ४८ हजार ८११ जनाको मृत्यु भएको छ ।

 

युरोपमा ३२ लाख १६ हजार २१५ जना कोरोना भाइरस सङ्क्रमित रहेका छन् भने दुई लाख ३ हजार ६४६ जनाको मृत्यु भएको छ । एसियामा ५७ लाख ८७ हजार १०२ जनामा कोरोना भाइरस सङ्क्रमण रहेको छ भने एक लाख २२ हजार २६५ जनाको मृत्यु भएको छ । 

 

अफ्रिकामा ११ लाख ३२ हजार ९१५ जनामा कोरोना भाइरस सङ्क्रमण रहेको छ भने २५ हजार ९५२ जनाको मृत्यु भएको छ । ओसियानामा २६ हजार ११ जनामा कोरोना भाइरस सङ्क्रमण रहेको छ भने ४६४ जनाको मृत्यु भएको छ । एएफपी