वासिङटन । संयुक्त राज्य अमेरिकामा कोरोना भाइरसको सङ्क्रमणबाट पछिल्लो २४ घन्टामा १ हजार ५९२ जनाको मृत्यु भएको जोन्स हप्किन्स् विश्वविद्यालयले पुष्टि गरेको छ ।
गत २४ घन्टामा कोरोना भाइरसका कारण भएको यो मानवीय क्षति गएको साढे दुई महिनायताकै सबैभन्दा उच्च भएको सो विश्वविद्यालयले जनाएको छ ।
अमेरिकामा एकै दिनमा ६४ हजार ७२९ कोरोना भाइरसका नयाँ सङ्क्रमित थपिएका बाल्टिमोर आबद्ध विश्वविद्यालयल जानकारी दिएको छ ।
अमेरिकामा बुधबार रातिसम्म ४५ लाख १३ हजार २४७ जनाको सङ्क्रमित भएका छन् भने १ लाख ५२ हजार ६७५ जनाको मृत्यु भइसकेको छ ।
कोरोना भाइरसको कारण विश्वभरमा एक करोड ६९ लाख ७३ हजार २०५ जना सङ्क्रमित भएका छन् ।
गतवर्षको डिसेम्बर महिनाबाट चीनको हुवेई प्रान्तको वुहान सहरबाट सुरु भएको यस भाइरसको कारण विश्वभर ६ लाख ६५ हजार २७ व्यक्तिको मृत्यु भइसकेको छ । एएफपी
प्रतिक्रिया