जेनेभा । कोरोना भाइरसको विश्वव्यापी प्रकोपबाट बुधबारसम्म १ करोड ५१ लाख ९० हजार व्यक्ति संक्रमित भएका छन् । कोरोना भाइरस संक्रमणको कारण विश्वभर ६ लाख २१ हजार ९८६ व्यक्तिको मृत्यु भएको विश्व स्वास्थ्य संगठन (डब्लुएचओ) ले बुधबार जानकारी दिएको छ । 

 

संक्रमितमध्ये हालसम्म ९१ लाख ७५ हजार ४७७ व्यक्ति कोरोना मुक्त भएका छन् । विश्वभरमा ५३ लाख ९२ हजार ४५७ व्यक्ति कोरोना भाइरस संक्रमित रहेकामा उनीहरुको उपचार भइरहेको छ । संक्रमितहरुमध्ये ६३ हजार ६४९ जनाको अवस्था गम्भीर रहेको जनाइएको छ ।

 

चीनको हुबे प्रान्तको वुहान सहरबाट गत वर्षको डिसेम्बरको अन्त्यबाट सुरु भएको कोरोना भाइरस संक्रमणको कारण अमेरिका सबैभन्दा बढी प्रभावित भएको छ । डब्लुएचओका अनुसार संयुक्त राज्य अमेरिकामा मात्र ४० लाख ४७ हजार ५६ जनामा कोरोना भाइरसका संक्रमित रहेका छन् । यस प्रकोपका कारण अमेरिकामा १ लाख ४५ हजार २७५ व्यक्तिको मृत्यु भइसकेको बताइएको छ ।

 

दक्षिण अमेरिकामा ३३ लाख ८६ हजार ६८० जना कोरोना भाइरस संक्रमित रहेका छन् । यहाँ १ लाख २१ हजार ७०७ जनाको मृत्यु भएको छ । उत्तर अमेरिकामा ४७ लाख ४२ हजार ३३ञ् जना कोरोना भाइरस संक्रमित रहेका छन् । यहाँ २ लाख १०६ जनाको मृत्यु भएको छ । 

 

युरोपमा २७ लाख १४ हजार ५० जना कोरोना भाइरस संक्रमित रहेका छन् भने २ लाख ११४ को मृत्यु भएको छ । एसियामा ३५ लाख ७५ हजार ६५७ जनामा कोरोना भाइरस संक्रमण रहेको छ भने ८४ हजार ८३ जनाको मृत्यु भएको छ ।

 

अफ्रिकामा ७ लाख ५५ हजार ८९४ जनामा कोरोना भाइरस संक्रमण रहेको छ भने १५ हजार ८११ जनाको मृत्यु भएको छ । ओसियानामा १४ हजार ५८७ जनामा कोरोना भाइरस संक्रमण रहेको छ भने १५० जनाको मृत्यु भएको छ । एएफपी