नयाँ दिल्ली । भारतमा गत २४ घन्टामा कोरोना भाइरसबाट ४१८ जनाको मृत्यु भएपछि यस घातक रोगबाट ज्यान गुमाउनेको सङ्ख्या १६ हजार ९८५ पुगेका स्वास्थ्य मन्त्रालयले जानकारी दिएको छ । 

 

भारतमा दैनिक हजारौँको संख्यामा कोरोना भाइरसको नयाँ संक्रमितहरु थपिँदै गएकाले कुल सङ्क्रमितको संख्या ५ लाख ७२ हजार ७२३ पुगेको पनि सो मन्त्रालयले जनाइएको छ  ।

 

गत २४ घन्टामा भारतमा १८ हजार ५२२ जना कोरोना भाइरस संक्रमित भएका छन् । 

 

देशभरी अहिले २ लाख १७ हजार २२२ जना संक्रमित अवस्थामै रहेका छन् भने संक्रमणमुक्त हुनेहरुको संख्या ३ लाख ३८ हजार ५१६ पुगेको छ ।

 

कोरोनाभाइरसबाट सबैभन्दा धेरै महाराष्ट्र प्रदेश प्रभावित भएको छ । सो प्रदेशमा कोरोनाभाइरसबाट संक्रमित भएका र मृत्यु भएकाहरुको संख्या सबैभन्दा धेरै रहेको छ ।

 

महाराष्ट्रपछि केन्द्रीय राजधानीसमेत रहेको दिल्ली कोरोना प्रभावित राज्यको रुपमा रहेको छ । सिन्ह्वा