नयाँ दिल्ली । भारतमा कोरोना भाइरस (कोभिड-१९) बाट बुधबार मध्यान्हसम्म ज्यान गुमाउनेको संख्या एक हजार ६९५ पुगेको छ ।

 

भारतको स्वास्थ्य मन्त्रालयको तथ्यांकअनुसार पछिल्लो २४ घन्टामा भारतमा ज्यान गुमाउनेको संख्या १२९ नाघेको हो ।

 

भारतमा कोरोना भाइरसबाट कुल संक्रमितको संख्या ४९ हजार ४३६ पुगेको छ । पछिल्लो २४ घन्टामा भारतमा कोरोना भाइरसका दुई हजार ९६३ नयाँ संक्रमित फेला परेका छन् । यससँगै समग्र संक्रमितको संख्या ४९ हजार ४३६ पुगेको हो ।

 

हालसम्म भारतमा १४ हजार १८३ संक्रमित उपचारपश्चात् घर फर्किसकेका छन् । भारतको गृह मन्त्रालयले एक विज्ञप्ति जारी गर्दै आगामी मे १७ सम्म लकडाउन घोषणा गरिएको छ ।