हिमालयखवर संवाददाता

अमेरिका- अमेरिकामा तेलको मूल्यमा भारी गिरवाट आई प्रतिव्यारल शुन्य र यसभन्दा पनि तल ऋणात्मक अवस्थामा झरेको छ । सोमवार बजार खुलेको केही छिनमै अमेरिकाको तेल बजारमा पछिल्लो मूल्यमा झण्डै ९५ प्रतिशतले गिरावट आएको थियो ।

 

प्रति ब्यारल करिव १८ अमेरिकी डलरमा रहेको तेलको  मूल्य एकै पटक एक डलरको हाराहारीमा झरेको हो । त्यसपछि यो शुन्यमा झर्यो । यसले विश्व तेल बजारमा हाहाकार मच्चिएको छ ।

 

तेल किन्ने नै नभएपछि मूल्य गिरावट आएको छ । अमेरिकामा तेल राख्ने गोदामपनि भरिन थालेका र बजारमा माग कम भएकाले तेल किन्नेहरुले घटाएर विक्री गर्न थालेका हुन्  । तेल अव कहां राख्ने भन्नेले गर्दा पनि ऋणात्मक मुल्यमा पनि तेल विक्री गर्न थालिएको छ ।

 

कोभिड १९ का कारण तेलको बजारमा केही साता यता गिरावट आईरहेको थियो । माग पनि घटिरहेको थियो । तर, अमेरिकी तेल बजारमा यो गिरावट सन् अमेरिकामा खुला बोलकोबल प्रणालीवाट तेलको मूल्य निर्धारण हुन लागेको १९८३ यताकै सवैभन्दा उच्च हो ।

 

अमेरिका वाहेक विश्व बजारमा भने तेलको मूल्य केही घटेपनि प्रति व्यारेल २५ अमेरिकी डलर भन्दा बढी छ । अमेरिकी तेल मूल्यमा आएको यो गिरावटले अमेरिकाको तेल उत्पादनमा कति गिरावट आउंछ यो भने हेर्न बांकी छ । विश्व तेल बजारमा यसको प्रभाव पनि देखिन बांकी छ ।

 

अमेरिकी विश्वकै सवैभन्दा ठुलो तेल उपभोग गर्ने देश हो ।

 

तेलको मूल्यमा हाहाकार आएपछि अमेरिकी अर्थतन्त्रमा के होला भन्ने आंशका पुन चुलिएको छ । कयौं ठुला बैंकहरुले तेल कम्पनीमा लगानी गरेका छन् । यसले गर्दा समग्र वित्तीय क्षेत्रमा समस्या आउन सक्ने जोमिख वढेको छ । घर जग्गा खरिदविक्री देखि रोजगारीका अवसरहरुमा समेत अव के हुन्छ भन्ने जोखिम वढ्ेको छ ।