हिमालयखवर संवाददाता

अमेरिका- विदेशी नागरिकता लिएका नेपालीलाई आउने अप्रिल ३० सम्म  नेपाल प्रवेश नदिइने भएको छ ।

 

कोराना भाइरस नियन्त्रणका लागि नेपाल सरकारले यस्तो निर्णय गरेको हो । यसवाट विदेशमा वस्दा त्यहांको नागरिकता लिएका नेपालीले नेपाल जान पाउने छैनन् । यो निर्णयले हज्जारौं गैर आवासिय नेपाली (एनआरएन) प्रभावित हुने भएको छन् ।

 

अति जरुरी अवस्थामा विदेशी नागरिकता भएका गैर आवासिय नेपालीले नेपाल जानुपर्दा पहिले नजिकको नेपाली दुतावासवाट भिसा लिनुपर्ने, स्वास्थ्य प्रमाणपत्र देखाउनुपर्ने र १४ दिन स्व कोरान्टाइनमा वस्नुपर्ने छ ।

 

एनआरएनए कार्ड देखाएर नेपाल प्रवेश अहिलेलाई स्थगन गरिएको छ ।

 

नेपाल सरकारले नेपालको एयरपोर्ट वा प्रवेश विन्दुमा विदेशीलाई दिदैंआएको अप्रिल २० सम्मका लागि वन्द गरिदिएको छ । भिसा लिईसकेकोले पनि नेपाल जांदा सात दिन भित्र मलाई कोरोना भाइरस छैन भन्ने प्रमाणपत्र देखाउनु पर्ने छ ।

 

हवाईमार्गवाट नेपाल प्रवेश गर्ने सवै विदेशीले १४ दिन स्व कोरान्टाइनमा र नेपालीले होम कोरान्टाइनमा वस्नुपर्ने निर्णय पनि सरकारले गरेको छ ।

 

होम र स्व कोरान्टाइन के हो स्पष्ट छैन ।

 

सरकारले विदेशमा रहेका नेपाली नागरिकलाई अत्यावश्यक अवस्थामा बाहेक यात्रा नगर्न र विदेशमा रहंदा उच्च सतर्कता र सावधानी अपनाउन पनि अनुरोध गरेको छ ।

 

सरकारले नेपालीलाई विदेशजान पनि हतोत्साहित गरेको छ । श्रम स्विकृत नदिने, विद्यार्थीलई नो आब्जेक्सन लेटर नदिने लगायतका निर्णय सरकारले गरेको छ ।

 

हिमाल आरोहणपनि स्थगित गरिएको छ । सरकारले विदेशीलाई नेपालमा सभा समारोह पनि नगर्न अनुरोध गरेको छ । तस्बिर: सामाजिक संजाल