हिमालयखवर संवाददाता

अमेरिका- अमेरिकामा कोरोना भाइरस संक्रमितको संख्या केही दिन यता एकाएक बृद्धि भई एक सय नाघेको छ । जस मध्ये ५२ जना यही भेटिएका हुन् । यो संख्य निरन्तर बढ्दो क्रममा छ ।

 

संक्रमित मध्ये ६ जनाको मृत्यु भएको छ । मृत्यु हुनेमा सवै वासिंटन राज्यका छन् । मृत्यु हुनेमा करिव ४० बर्ष देखि ८० बर्ष सम्मका छन् । चिकित्सकहरुले कोरोना  भाइरसवा वच्न सतर्क हुन आग्रह गरेका छन् 

 

कोरोना भाइरस सवैभन्दा वढी क्यालिफिोर्निया र वासिंटन राज्यमा देखिएको छ । यी राज्यमा २० र १८ जना कोरोना भाइरस संक्रमित भेटिएका छन् ।

 

कोरोना भाइरस संक्रमितको संख्या वढ्ने क्रम देखिएपछि अमेरिकामा सावधानी अपनाईएको छ । केही सार्वजनिक कार्यक्रम रद्द गरिएका छन । वासिंटन राज्यमा केही स्कुलहरु बन्द भएका छन् । कोरोना फैलिन नदिन वासिंटन प्रशासनले विभिन्न तयारी गरेको छ । कोरोना प्रभावित देशवाट अमेरिका आउनेलाई कडाई गरिएको छ ।

 

करिव दुई महिना अघि चीनमा कोरोना भाइरस देखिएको थियो । यसवाट चीन सवैभन्दा वढी प्रभावित भएको छ । पछिल्लो समयमा इटानी, दक्षिण कोरिया, इरान र अमेरिकामा यसका संक्रमितको संख्या उच्चदरले वढेको हो । करिव ९० हजार कोराना संक्रमित भएका छन् । जसमध्ये ३ हजार भन्दा वढीको मृत्यु भएको छ ।

 

कोरोना भाइरसको खोप तयार भएको दावी गरिएपनि यसको मानिसमा परिक्षण हुन बांकी छ ।

 

अमेरिकामा कोरोना भाइरस वढ्ने क्रम रहेपनि शेयरबजारमा भने सोमवार एकाएक उछाल आएको छ । गत साता ठुलो गिरावट आएको शेयर बजारमा यो साताको पहिलो दिनमा केही सुधार भएको हो । एप्पल कम्पनीका प्रमुख कार्यकारी टिम कुक एकाएक चीनको एप्पल स्टोरमा देखिएका थिए । संयोग केही दिन देखि घटिरहेको एप्पलको शेयरमा सोमवार सुधार आयो ।

 

विश्वका ठुला अर्थतन्त्र भएका देशका केन्द्रिय बैंकले अर्थतन्त्र उकास्न विशेष योजना ल्याउने तयारी गरिरहेको भन्ने अनुमानका आधारमा पनि शेयर बजारमा उछाल आएको विश्लेषकहरु वताउंछन् । तस्बिर: सामाजिक संजाल