महोत्तरी । महोत्तरी जिल्लाको मटिहानी नगरपालिका–८ मा सोमबार राति छोराको कुटाइबाट बाबुको मृत्यु भएको प्रहरीले आशंका गरेको छ ।

 

जिल्ला प्रहरी कार्यालयका प्रहरी नायब उपरीक्षक माधवप्रसाद बुढाथोकीले मटिहानी नगरपालिका–८ बस्ने ५५ वर्षीय रामसुन्दर रामको मृत्यु उनका छोरा वीरेन्द्रको कुटाइबाट भएको आशंकामा निजलाई आवश्यक अनुसन्धानका लागि नियन्त्रणमा लिइएको बताए । 

 

सोमबार राति दुवै बाबुछोराबीच झैझगडा हुँदा छोराले कुटपिट गर्दै धक्का दिएर भुइँमा लडाएपछि उनको मृत्यु भएको थियो । 

 

शवपरीक्षणको प्रतिवेदनपछि मात्रै घटनाका बारेमा स्पष्ट भन्न सकिने प्रनाउ बुढाथोकीले बताए । प्रहरीले शवपरीक्षणका लागि जिल्ला अस्पताल जलेश्वरमा लगेको छ ।