ड्यालस (अमेरिका)– ड्यालसको नेपाली समुदायकी चिर–परिचित सामाजीक अभियन्ता इरा आचार्यको निधन भएको छ ।

 

ड्यालस फोर्टवर्थ मेट्रोप्लेक्समा पर्ने हर्स्टमा बस्दै अाउनुभएकी आचार्यको विहीबार राति निधन भएको हो । केही महिनायता क्यान्सरको उपचार गराइरहनुभएको आचार्यको अल्पायुमै निधन भएको छ ।

 

उहाँ ड्यालसका बिभिन्न सामाजीक संघसंस्थामा सकृय हुनुहुन्थ्यो । ड्यालस एभरेष्ट लायन्स क्लबकी पूर्व अध्यक्ष समेत रहनुभएकी अाचार्यको निधनप्रति नेपाली समुदाय निकै दुःखीत भएको छ । 

 

उहाँका पति बैकुण्ठराज अाचार्य साहित्य क्षेत्रमा निकै परिचित हुनुहुन्छ । उहाँकी छोरी इशा शर्मा युलेस सिटीको पार्क एण्ड रिक्रियशन बोर्ड सदस्य हुनुहुन्छ । 

 

स्व. अाचार्यका पति, एक छोरा र छोरी अमेरिकामै हुनुहुन्छ । उहाँको अन्तिम संस्कारको स्थान र समयका लागि सल्लाह भैरहेको पारिवारिक मित्र एक सामाजीक अभियन्ता प्रभात दीक्षितले जानकारी दिनुभयो ।