हिमालयखवर संवाददाता

अमेरिका- गैर आवासिय नेपाली संघ (एनआरएनए) को विश्व सम्मेलनमा अमेरिकावाट भाग लिन जाने प्रतिनिधि डेलिगेटको अझै टुंगो लाईसकेको छैन । अमेरिकावाट जाने डेलिगेटको विषयमा विवाद आएपछि अन्यौलता आएको हो ।

 

एनआरएनए अमेरिकाले डेलिगेटको सुची आईसीसीमा वुझाएको थियो । तर, आईसीसीले क्षेत्रिय संयोजक मार्फत सुची आउनुपर्ने जवाफ दिएपछि अन्यौलता वढेको हो । अवको प्रकृया अनुसार एनसीसी अमेरिकाले क्षेत्रिय संयोजकलाई सुची दिनुपर्ने छ । क्षेत्रिय संयोजकले त्यो सुची आईसीसीमा पठाउने छन् ।

 

तर, डेलिगेटको विषयमा एनसीसी अमेरिका र क्ष्ँेत्रिय संयोजक विच सहमती हुन सकेको छैन ।

 

एनआरएनए अमेरिकाले छानेका डेलिगेटमा विवाद भएपछि क्षेत्रिय संयोजक गौरी जोशीले छानविन समिति वनाएका थिए । समितिले करिव ५० जनाको नाम समावेश गर्नु पर्ने प्रतिवेदन दिएको थियो । आईसीसीको मापदण्ड र एनआरएनएमा सकृयताका आधारमा  उक्त समितिले ती ५० जनाको नाम राख्नु पर्ने प्रतिवेदनमा उल्लेख गरेको थियो । क्षेत्रिय संयोजक जोशीले यी नाम आईसीसीमा पठाएका थिए ।

 

यस अघि एनआरएनए अमेरिकाले आफ्नो आईसीसीलाई दिईसकेको थियो ।

 

आईसीसी महासचिव बद्री केसीले पठाएको पत्र अनुसार जोशीले एनसीसी अमेरिकालाई आईसीसीको प्रावधान अनुसार नाम थपघट गरी डेलिगेटको अन्तिम सुची दिन पत्राचार गरेका छन् । यसले गर्दा अव के हुन्छ भन्ने अन्यौलता आएको हो ।

 

एनआरएनए अमेरिका अध्यक्ष लगायत केही पदाधिकारी नेपाल तर्फ लागिसेका छन् । अव कसलाई झिक्ने कसलाई राख्ने यो पनि सजिलो छैन । यसले गर्दा अन्तिम समयमा काठमाडौमै विवाद अझ चर्किने संभावना पनि छ ।

 

डेलिगेटमा नाम समावेश भएपनि केही अन्तिम समयममा नेपाल जान नसक्ने अवस्था पनि छ । करिव २० जना जति जान नसक्ने अवस्थामा रहेको एनसीसी अमेरिका निकट स्रोतले वनाएको छ । यी २० जनाको स्थानमा क्षेत्रिय संयोजकले तयार पारेको सुचीबाट नाम समावेश गर्न सकिने विकल्प भने छ  । आईसीसीको प्रावधान अनुसार २० प्रतिशत नाम प्रतिक्षासुचीमा राखेर पठाउनु पर्ने हुन्छ । यसले गर्दा काठमाडौ नजानेको नाम हटाएर प्रतिक्षा सुचीवाट थप गर्न सकिन्छ ।