नवलपरासी । समाजवादी पार्टीका संघीय परिषद् अध्यक्ष डा बाबुराम भट्टराईले संविधान संशोधन नभए सरकारमा नबस्ने बताएका छन् ।
समाजवादी पार्टी नवलपुरले कावासोतीमा आयोजना गरेको पत्रकार सम्मेलनमा बोल्दै उनले यस्तो चेतावनी दिएका हुन् ।
डा भट्टराईले भने, ‘संघीय समाजवादी फोरम सरकारमा सामेल हुँदाको बेलाको सहमतिअनुसार यो सरकारले संविधान संशोधन गर्नुपर्छ । संशोधन गरिँदैन भने हामी सरकारमा बस्दैनौँ ।’
उनले यस विषयमा पार्टीले सरकारसँग एक चरण छलफल गर्ने बताए । सरकार संविधान संशोधन गर्न उदासीन रहे पार्टी छाड्ने उनको भनाइ थियो ।
उनले नेकपा पार्टी कम्युनिस्ट पार्टीकै बदनाम गर्ने गरी अगाडि बढेको र नेपाली कांग्रेस पतनको मार्गमा गइसकेकोले नयाँ वैकल्पिक शक्तिको रुपमा तत्कालीन नेकपा एमाले, नेपाली कांग्रेस र राप्रपाबाहेकका शक्तिहरु एक हुनसक्ने फोरमको रुपमा समाजवादी पार्टीलाई अगाडि ल्याएको बताए ।
कार्यक्रममा डा बाबुराम भट्टराई, अशोक राईलगायतका नेताले प्रशिक्षण दिएका थिए ।
प्रतिक्रिया