अस्टिन (टेक्सस)– टेक्ससको अस्टिनमा आउँदो साता नेपाली पासपोर्ट शिविर हुने भएको छ ।

 

ग्रेटर अस्टिन नेपाली सोसाइटीको आयोजना तथा नेपाली दूतावास वासिङटन डिसीको सहयोगमा आउँदो सेप्टेम्बर १४ र १५ तारिक अस्टिनमा एमआरपी पासपोर्ट शिविर हुन लागेको हो । शिविरमा नयाँ पासपोर्ट लिने, नविकरणका कार्यहरु हुनेछन् । 

 

नेपाली पासपोर्टको म्याद सकिएका र पासपोर्ट हराएकाहरुका निम्ति यो सुनौलो अवसर हुनेछ । नेपाली पासपोर्ट शिविर शनिबार र आइतबार बिहान ९ देखि बेलुकी ५ बजेसम्म हुनेछ । 

 

सोही क्रममा नेपाली राजदुत अर्जुनकुमार कार्कीको समेतको सहभागितामा सेप्टेम्बर १४ तारिक अपरान्ह ४ देखि ७ बजेसम्म सेडार पार्क रिक्रियसन सेन्टरमा अन्तरकृया कार्यक्रम हुने ग्रेटर अस्टिन सोसाइटीले जनाएको छ ।