टेक्सस । नयाँ पुस्ताका गीतकार विभूतिराज कोइराला अाफ्नो नयाँ गीतका साथ फेरि श्रोता माझ अाएका छन् । 

 

हाल अमेरिकामा रहँदै अाएका कोइराला ‘हावामा उड्ने माछो कतै त हुँदो हो नि, आकाशका सबै तारा गन्न सकिएला नि’ शब्दको गीत मार्फत श्रोता माझ अाएका हुन । उनको यो गीत यूटुवबाट सार्वजनिक भएको छ । 

 

विराटनगर–११ बसपार्कका विभूतिराज कोइरालाको आफ्नै रचना, संगीत र गायनमा तयार गरिएको सो भिडियो निर्देशन प्रवलदीप विश्वासले गरेका छन् । नसराज घिमिरेको संगीत संयोजन, यज्ञ पराजुलीले छायाङ्कन गरेको गीतमा गायक नितिन गजुरेललाई अंशु थापाले मोडलिङमा साथ दिएकी छिन् ।

 

२०६४ सालमा रेडियो नेपालको स्वर परिक्षा पास गरी महाकवी लक्ष्मीप्रसाद देवकोटाद्वारा रचित राष्ट्रिय गीत  सँगीतकार भूपेन्द्र रायमाझीको सँगीतमा गाएर गायन सुरू गरेका कोइरालाले एक दर्जन गीत गाइसकेको छन् । कोइरालाको नयाँ हावामा उड्ने माछा बोलको गीत ३ मिनेट ५२ सेकेण्डको छ ।