अमेरिका- जर्मन नागरिक माइकल कोबोल्डको ठगी धन्दामा नेपाल स्थित अमेरिकी र वासिङ्टन डिसी  नेपाली दूतावास समेतको नाम जोडिएको छ । नेपालमा शक्तिशाली व्यक्तिसंगको चिनजानका आधारमा कोबोल्डले नेपालका सरकारी निकाय, निजी कम्पनी देखि सर्वसाधारणसम्मलाई झुक्याएका थिए । अमेरिकाका लागि नेपालका राजदूत अर्जुन कार्कीलाई समेत यसमा मुछिएको छ  ।

 

यो प्रकरणमा पूर्व अमेरिकी राजदूत स्टक एच डेलीसी सोरवे इन्स्च्यिूट, एलाइना बी टेप्लिजको पनि नाम जोडिएको छ ।  यो कूटनीतिक निकायसंगको सम्बन्ध देखाउदै कोबोल्डले झुक्याएको दाबी पीडितले गरेका छन् ।

 

कान्तिपुर दैनिकले पर्यटन बोर्डका कार्यकारी निर्देशकको भनाई उद्दृत गर्दै कोबोल्डले अमेरिकाका लागि नेपाली राजदूत कार्कीको समेत सिफारिस ल्याएका थिए । तर, कार्कीले भने आफूले यस्तो कुनै सिफारिस नगरेको र ती व्यक्तिसँग चिनाजानसमेत नभएको दाबी गरेका छन् । तर, कान्तिपुर दैनिकको समाचारमा भने राजदूत कार्कीको हस्ताक्षरमा लेखिएको सिफारिसपत्र अनुसन्धानका क्रममा फेला परेको उल्लेख छ  ।

 

कोबोल्डले नेपालमा दमकल नरहेको भन्दै विश्वका विभिन्न देशका व्यक्तिलाई प्रभावमा पारी पैसा उठाएको कान्तिपुरको समाचारमा उल्लेख छ । तर, दमकल ल्याउने कार्यक्रम पटक पटक पर सारिएको समाचारमा छ ।

 

कोबोल्डको ठगी धन्दा नेपाल फायर ट्रक एक्सपिडिसनवाट सुरु भएको कान्तिपुरले जनाएको छ । यो एक्सपिडिसन अन्गर्तत अमेरिकाबाट सेकेण्ड ह्याण्ड दमकल ल्याउने, त्यससँगै विश्वका सेलिब्रेटिलाई बोलाई अन्तर्राष्ट्रिय सञ्चारमाध्यममा प्रचार प्रसार गर्ने र नेपालको पर्यटन प्रचार गर्ने दाबी गरिएको थियो । यसका लागि चर्चित हलिउड कालाकारहरू नेपाल पुर्‍याउने समेत योजना थियो । यो अमेरिकी सञ्चारमाध्यममा समेत देखाउने गफ दिइएको थियो । यसका लागि पर्यटन बोर्ड, वालिगं नगरपालिका लगायतका निकायसँग पैसा उठाईको थियो ।

 

कोबोल्डले यो कार्यक्रमको समाचार अमेरिकी टेलिभिजन नेटकर्व पीबीसी र न्युयोर्क टाइम्समा आउने दाबी गरेका थिए । यही दाबीपछि उनको सोरवे इन्स्टिच्यूट अफ डेभलपमेन्ट नामक संस्था र पर्यटन बोर्डबीच २०१७ जनवरीमा सम्झौता भएको थियो । त्यसमा बोर्डले नेपाल फायर ट्रकलाई तत्काल एक करोड रुपैयाँ दिने र कार्यक्रम सम्पन्न भएप्छि थप रकम उपलब्ध गराउने भनिएको थियो । जानकारहरूका अनुसार काठमाडौस्थित पूर्व अमेरिकी राजदूत र अमेरिका स्थित नेपाली दूतावासको पहुँच दुरुपयोग गर्दै उनले पर्यटन बोर्डलाई सम्झौता गर्न सहमत गराएका हुन् कान्तिपुर समाचारमा उल्लेख छ ।

 

कान्तिपुरको समाचारमा भनिएको छ पयर्टन बोर्डसँग सम्झौता गर्ने उनको संस्था सोरवे इन्स्टिच्यूट फर डेभलपमेण्टका गतिविधि इन्टरनेटमा खोजी गर्दा भेटिदैंन । आफूले सम्झौता गर्न लागेको संस्थाको वैधानिक हैसियतसमेत नखोजी बोर्डले एक करोड रुपैयाँ दिएको खुलेको छ । बोर्डलाई झुक्याउन कोबोल्डले नेपालका लागि पूर्व अमेरिकी राजदूत स्टक एच डेलीसी र एलाइना बी टेप्लिजसंगको चिनजानलार्य दुरुपयोग देखिन्छ ।

 

अमेरिकामा सोरवेले नेपालीहरूसँग पनि सहगोग भन्दै चन्दा उठाएको थियो । दुई दिन अघिसम्म पनि सोरवेले चन्दा दिनआग्रह गर्दै इमेल पठाएको एक नेपाली व्यवसायीले बताए । पहिले त मैले पैसा सहयोग गरेको हो ती व्यवसायीले भने अव त गर्दिन ।

 

विभिन्न सोसियल मिडियामा पनि नेपालमा सहयोग गर्ने भन्दै सोरवेले चन्दा मागेको थियो ।

 

यो प्रकरण मिडियामा आएको एक साता हुन लागेपनि अमेरिका स्थित नेपाली दूतावास र सोरवेले कुनै जानकारी सार्वजनिक गरेका छैनन् । अमेरिकामा चन्दा संकलनमा केही अन्य नेपाली पनि संलग्न भएका थिए ।

 

यस बाहेक कोवोल्डले श्रम शोषण गरेको, विभिन्न स्थानमा विल नतिरेको पनि कान्तिपुरको समाचारमा उल्लेख छ ।