वासिङटन डिसी (अमेरिका) – अमेरिकामा विदेशी विद्यार्थीहरुका लागि अध्ययन समाप्ती पछि प्रदान गरिने ‘अप्सनल ट्रेनिङ प्रोग्राम’ का लागि अहिलेसम्मकै सबैभन्दा बढी सहभागी भएका छन् । 

 

दुईलाख अन्तर्राष्ट्रिय विद्यार्थीहरुले अहिले ओपिटी अन्तरगत काम गर्न अनुमति पाएका छन् । यो संख्या २०१७-२०१८ शैक्षिक शत्रको सबैभन्दा धेरै भएको सञ्चार माध्यमहरुले जनाएका छन् ।

 

अमेरिकामा कलेजबाट ग्राजुएट भएपछि १२ महिनासम्म काम गर्नका लागि अनुमति दिने चलन छ । विज्ञान, प्रविधि, इन्जिनियरिङ र गणित विषयमा ग्राजुएट हुनेलाई भने अधिकतम ३६ महिना (तीन वर्ष) सम्मको लागि ओपिटी दिइन्छ । 

 

ओपिडीले कम्पनीलाई दक्ष जनशक्ति खोज्नका लागि सहज बनाएको छ । अधिकांश अन्तर्राष्ट्रिय विद्यार्थीहरुले ओपिटीकै क्रममा रोजगारदाताहरुलाई आफ्नो क्षमता प्रस्तुत गरेर एचवान बी हुँदै ग्रीनकार्ड प्राप्त गर्छन् । 

 

यो वर्ष अमेरिकामा अध्ययनका लागि आउने अन्तर्राष्ट्रिय विद्यार्थीको संख्या भने घटेको छ । विगत वर्षको तुलनामा अन्तर्राष्ट्रिय विद्यार्थीको संख्या भने १० प्रतिशतले घटेको छ । तस्बिर: सामाजिक संजाल