हिमालयखवर संवाददाता-

अमेरिका । अमेरिकी राष्ट्रपति डोनाल्ड ट्रम्पले  अमेरिकीमा आश्रय (असाईलम) लिन खोज्नेलाई सिमित वनाउने गरी अर्को नयाँ नियम ल्याउने बताएका छन् । विशेष गरी अमेरिकी पस्ने तयारीमा मध्ये अमेरिकी महादेशवाट अगाडी वढिरहेको मानव लस्करलाई हतोत्साहित गर्न राष्ट्रपतिले असाईलम प्रकृयालाई कडा वनाउन खाजेका हुन् ।

 

यसले अमेरिकामा शरण खोज्ने सयौं नेपालीपनि प्रभावित हुने छन् । यो प्रावधानको दुरुपयोग भएको हुँदा कडा कदम चाल्नु परेको राष्ट्रपतिले बताएका छन् । ट्रम्पले आफ्नो प्रशासनले अमेरिका प्रवेश गर्ने विन्दुमा असाईलम माग्ने प्रकृयालाई रोक्ने कानुन तयार पारीसकेको वताएका छन् । 

ह्वाइट हाउसले यस सम्वन्धि विस्तृत जानकारी भने सार्वजनिक गरेको छैन ।

 

अमेरिकामा मध्यावधि निर्वाचन हुनु एक साता पनि बाँकी नरहेको बेला राष्ट्रपतिले यस्तो अभिव्यक्ति दिएका हुन् । राष्ट्रपतिले केही दिन अघि विदेशी बाबुआमा वाट अमेरिका जन्मने सन्तान स्वत अमेरिकी नागरिक हुने प्रावधान पनि रद्द गर्ने सार्वजनिक गरेका थिए ।

 

राष्ट्रपतिले केही दिन अघि अमेरिका मेक्सिको सिमा क्षेत्रमा थप सैनिक पठाएका थिए । गैरकानुनी रुपमा आउने अप्रावासीलाई रोक्ने थप सैनिक परिचालन गरिएको हो । अप्रावासीहरुले सैनिक माथि ढुंगा प्रहार गरे वा आदेश पालना नगरे गोली हान्ने अधिकार पनि दिईएको छ । तस्बिर: सामाजिक संजाल