हिमालयखवर संवाददाता- 

ड्यालस, (अमेरिका) । ड्यालस एभरेष्ट लायन्स क्लबको आयोजनामा संचालन भएको प्रतियोगितात्मक कविता कार्यक्रममा बासुपुष्पा अधिकारी र भगवति पाैडेल प्रथम भएका छन् । 

 

अाइतबार अर्भिङको नेपाली मन्दिरमा भएको कार्यक्रममा रञ्जु मार्ग र बलायर प्रत्याशी व्दितिय तथा ईश्वरी रिजाल र श्रीयम जोशीले तृतीय पुरुस्कार जितेका थिए  । 

 

प्रतियोगितामा प्रथम हुनेलाइ एकसय ५०, द्वितीय हुनेलाइ एकसय र तृतीय हुनेलाइ ५० डलर नगद पुरस्कार प्रदान गरिएको थियो । कार्यक्रममा पातलो अन्तरे, नेत्र आचार्य, भीम कार्की, बलायर प्रत्याशी, शशि भट्टराई, धनन्जय ढकाल, बाशुपुस्पा अधिकारी, भगवती पौडेल, रन्जु मार्ग, ईश्वरी रिजाल, बाल जोशी, श्रीयम जोशी, बाशु भण्डारी, डा. युवराज भट्टराई लगायतका २५ जना भन्दा बढी कवि, कवियत्रीले आ-आफ्ना कविता बाचन गरेका थिए ।  

 

क्लबका अध्यक्ष थलराज पन्तको सभापतित्वमा भव्यताका साथ सम्पन्न भएको कार्यक्रमको सञ्चालन क्लबका सदस्य शशी भट्टराईले गरेका थिए । उक्त कार्यक्रमको निर्णायक मण्डलमा बैकुण्ठ आचार्य, डा. युवराज भट्टराई र बिजयराज भट्टराई रहेका थिए ।