काठमाडौँ । कञ्चनपुरकी ११ वर्षीया बालिका निर्मला पन्तको बलात्कारपश्चात् हत्या भयो । गत साउन ११ गते झरी परेका दिन निर्मलाको अन्तिम दिन बन्यो ।
पढेलेखेर डाक्टर पाइलट बन्ने सोच लिएर जीवनको कलियोवयमा सपना सजाउँदै गरेकी निर्मला पापी अपराधीबाट बलात्कारको सिकार मात्रै बनिनन्, उनको प्राणपखेरु समेत उडाइदिए ।
हत्यारा सार्वजनिक गर्न कञ्चनपुरवासी सडकमा उत्रिए । प्रशासनले न्याय माग्दा गोली बर्सायो । हत्या प्रकरणमा प्रहरीकै लापरबाही बाहिर आयो । पाँच प्रहरी निलम्बनमा परे । अपराधीको संरक्षण सरकारले नै गरेको भन्दै हत्यारा सार्वजनिक गर्न र बलात्कारीलाई फाँसीको सजाय दिनुपर्ने माग देशभर उठिसकेको छ ।
निर्मलालाई न्याय देऊ भनेर अधिकारकर्मीहरु सडकमै उत्रिरहेका छन् । देशभरबाट निर्मलाको पक्षमा जनलहर उर्लिएपछि सरकारको ध्यानाकर्षण भएको छ । तर, हत्यारा समातिनेमा एकरति विश्वास छैन ।
निर्मलाको न्यायकै लागि जयराम भट्टको शब्द रचना र लय रहेको ‘न्याय पाएन निर्मलाले’ बोलको गीतमा चर्चित गायिका लक्ष्मी परियारले साथ दिएकी छन् । अत्यन्त कर्णप्रिय स्वर रहेको यस गीतले ज्यान नै सिरिङ्ग बनाउँछ । सुनौँ विदारक गीत-
प्रतिक्रिया