साथी भन्छ, समुद्रमा मकै फलाउदैछु ।
म चाँहि अझै कर्णालीमा, तुइन् चलाउदैछु ।
उसले भन्छ, मङ्गलमा घर् बनाऊँ साथी ।
म चाँहि अझै आन्दाेलनमा, पुत्ला जलाउदैछु ।।
दुधकाे भारा तिर्नु पर्छ, सम्झाउँछ उसले ।
म चाँहि अझै प्रवासमा, माँसपेसी गलाउदैछु ।।
खन्जाेत् गर्नु पर्छ यहाँ, धान फलाउनलाई ।
म चाँहि बाँझाे खेत राखी, उन्यु पलाउदैछु ।।
पद्धतिले बन्छ देश, भन्छ मेराे साथी ।
म चाँहि अझै भन्सारमा, कर छलाउदैछु ।।
– खेमराज गैराघरे
इलाम, नेपाल । हाल: केलर, टेक्सस ।
प्रतिक्रिया