मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

नेपाल   

चितवनको विकट कान्दामा नेपाल जर्नी पुस्तकालय निर्माण

चितवनको विकट कान्दामा नेपाल जर्नी पुस्तकालय निर्माण


चितवन । चितवनको अतिविकट क्षेत्र लोथर गाविसको वडा नं ९ कान्दा गाउँमा नेपाल जर्नी पुस्तकालय स्थापना भएको छ । चेपाङहरुको बसोबास रहेको सो क्षेत्रका विद्यार्थीका लागि लक्षित गरी नेपाल जर्नी अमेरिकाले लाईब्रेरी निर्माण गरेको हो । 
 
नेपाल जर्नीको ३  लाख ५० हजार आर्थिक सहयोग र नेपाल लाईब्रेरी फाउण्डेसनकोे प्राविधिक सहयोगमा स्थापित लाईब्रेरीको एनआरएनए अन्तर्राष्ट्रिय समन्वय परिषद्का सदस्य तथा डेनमार्कका लागि नेपाल पर्यटन बोर्डका मानार्थ जनप्रतिनिधि सोमनाथ सापकोटाले उद्घाटन गरे । 
 
लाईब्रेरी निमार्ण भएपछि स्थानीय कान्देश्वरी प्राविमा अध्ययनरत विद्यार्थीहरुको शैक्षिक विकासमा ठूलो सहयोग पुग्ने देखिएको छ । विद्यालयमा १२३ जना विद्याथीहरुले अध्ययन गर्ने गरेका छन् । लाईब्रेरीले आफना बालबालिकाको शैक्षिक विकासका साथै अक्षर चिन्ने अभिभावकहरुलाई समेत पढने बानीको विकास हुने स्थानीय सीताबहादुर प्रजाले बताए । 
 
सरकारले समेत ध्यान दिन नसकेको स्थानमा नेपाल जर्नी अमेरिकाले लाईब्रेरी निमार्ण गरी चेपाङलाई माया गरेको भन्दै उनले खुसी प्रकट गरे । लाईब्रेरीमा खेलौनादेखि नयाँ–नयाँ चित्रहरुसहितका कथा कविता र अन्य अंग्रेजी नेपाली किताबहरु रहेकाले नयाँ कुरा सिक्न र ज्ञान लिन पुस्तकालय निकै महत्वपूर्ण भएको विद्याथी मनिषा प्रजाले बताइन् ।
 
पुस्तकालयमा विभिन्न प्रकाशनले प्रकाशनमा ल्याएका बालसाहित्य, कथा कविता, शिक्षणमा आधारित पुस्तक, समुदायका लागि उपयोगी सामाजिक विज्ञानमा आधारित पुस्तक, महत्वपूर्ण पुरस्कारहरु जित्न सफल पुस्तकहरु,  बजारमा सबैभन्दा बढी चर्चामा रहेका र बिक्री भएका पुस्तकहरुका साथै  १४ वर्षसम्मका बालबालिकाका लाग्ीि उपयोगी बालखेलौना सामग्रीसमेत रहेका छन् ।  
 
पुस्तकालयले विद्याथीलाई नयाँ कुरा सिक्नका साथै शिक्षकहरुलाई पनि विद्याथीमैत्री शिक्षण सिकाई क्रियाकलापमा सहयोग पु¥याउने विद्यालयका प्राधानाध्यापक बालकृष्णले थपलियाले बताए । 
 
नेपाल जर्नीले स्थापना गरेको पुस्ताकलयले चेपाङ विद्यार्थीको  शैक्षिक विकासमा ठूलो योगदान दिने उनको भनाइ छ । कार्यक्रममा बोल्दै एनआरएनए अन्तर्राष्ट्रिय समन्वय परिषद्का सदस्य तथा डेनमार्कका लागि नेपाल पर्यटन बोर्डका मानार्थ जनप्रतिनिधि सोमनाथ सापकोटाले लाईब्रेरीले चेपाङ्ग बालबालिकाको चारित्रिक बिकासका साथै पढने र नयाँ नयाँ कुरा खोज र अनुसन्धान गर्ने बानीको विकास गर्ने बताए । 
 
निकै विकट कान्दा गाउँमा पुगेर नेपाल जर्नीले पुस्तकालय निर्माण गरी चेपाङ्ग बालबालिकाको शैक्षिक विकासका लागि गरेको योगदान अतुलनीय भएको भन्दै उनले संस्थाको योगदानको प्रशंसा गरे । त्यस्तै स्थानीय विकास अधिकारी श्रवणकुमार पोखरेलले कान्दा र कान्देलीको विकास र त्यहाँका बालबालिकाको शैक्षिक विकासमा विभिन्न संघसंस्थाले गरेको योगदान निकै महत्वपूर्ण रहेको बताए । उनले सो क्षेत्रको विकासका लागि जिल्ला विकास समिति र लोथर गाविसबाट गरी चार लाख ५० हजार सहयोग गर्ने घोषणा गरे । 
 
गरिबीका कारण विद्यालय जानसमेत नसक्ने अवस्थामा रहेका त्यहाँका विद्याथीहरुलाई लक्ष्मी प्रतिष्ठान काठमाडाँैले सोही स्थानमा कुमार–बलराम स्मृति छात्रवास निर्माण गरी आवासीय सुविधासहित पढाइरहेको छ । सोही अवसरमा छात्रावासको समेत उद्घाटन गरिएको थियो ।
 
कान्दा गाउँ भोगोलिक हिसावले निकै विकट र स्थानीयहरु अशिक्षा र चेतनाको अभावका कारण चरम गरिबीमा बाँचेका छन् । स्थानीयहरु ६ महिना आफनो उत्पादन र ६ महिना गिठा भ्याकुर खाएर बस्न बाध्य छन् । चितवनको सदरमुकाम भरतपुरदेखि ३ घण्टा जिपको यात्रा र ६ घण्टाको निकै कष्टकर पैदल यात्रापछि सो गाउँ पुग्न सकिन्छ ।
 
२०६७ सालमा च्याउ खाएर एकै घरका आधादर्जनको मृत्यु भएपछि मितेरी फाउण्डेसन चितवनले सो गाउँ परिर्वतन र विकासका लागि अभियान सुरु गरेको थियो । पछिल्लो केही वर्षयता लक्ष्मी प्रतिष्ठान काठमाडाँैले कान्दाको विकासमा निरन्तर रुपमा काम गरेको प्रतिष्ठानका अध्यक्ष विष्णु गौतमले बताए ।