मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

बिजनेस/ इकोनोमी   

भारतमा रेलले भ्यानलाई ठक्कर दिँदा सात विद्यार्थीको मृत्यु, बाह्रजना घाइते

भारतमा रेलले भ्यानलाई ठक्कर दिँदा सात विद्यार्थीको मृत्यु, बाह्रजना घाइते


नयाँ दिल्ली (भारत) । भारतको उत्तर प्रदेशमा सोमबार रेलले एक विद्यालयको भ्यानलाई ठक्कँर दिँदा कम्तीमा सात जनाको मृत्यु भएको उत्तर प्रदेशका एक उच्च प्रहरी अधिकारीले बताएका छन् ।
 
बादोही जिल्लाको महेन्दीपुर क्षेत्रमा एउटा निजी विद्यालयका विद्यार्थी लिएर विद्यालयतर्फ गइरहेको भ्यानलाई बिहान करिब ८ बजेको समयमा ठक्कर दिँदा घाइते बनेका सात विद्यार्थीको अस्पताल पुग्नुअगावै मृत्यु भएको थियो । 
 
घटनामा घाइते भएका १२ जनाको उपचार भइरहेको प्रहरीले बताएको छ । दुर्घटनाको अनुसन्धानका लागि छानबिन समिति बनाइएकोले दुर्घटनामा भ्यान चालकको वा रेल कर्मचारीको गल्ती भएको भन्नेबारे छिट्टै टुङ्गो लाग्ने भारतीय रेलमार्ग अधिकारीले बताएका छन् । 
 
घटनापछि उक्त क्षेत्रमा केही समय रेलसेवा अवरुद्ध गरिए पनि अहिले सञ्चालनमा आइसकेको छ । रासस/सिन्ह्वा