हिमालयखवर संवाददाता
न्युयोर्क (अमेरिका) – नेपालका निजी क्षेत्रका उद्यमी व्यवसायीको मुख्य संस्था नेपाल उद्योग वाणिज्य महासंघ(एफएनसीसीआई)ले न्युयोर्कमा गर्ने भनी प्रचार प्रसार गरिएको नेपाल प्रर्दशनी तथा अन्तर्राष्ट्रिय व्यापार मेलामा आफ्नो कुनै सहभागिता नरहेको र प्रर्वद्धक रूपमा नराख्न र लोगो समेत प्रयोग नगर्ने चेतावनी दिएको छ ।
एफएनसीसीआई द्धारा जारी व्यक्तव्यमा मेलाका सम्बन्धमा गरिने कुनैपनि प्रचारात्मक कार्यक्रममा महासंघलाई प्रवद्र्धकको रूपमा नराख्नु र महासंघको लोगो समेत प्रगोग नगर्नु भनी महासंघका तर्फबाट २०७३ असार ६ र असार १६ गते उक्त संस्थालाई पत्राचार भईसकेको कुरा पनि जानकारी गराउंछौं भन्ने उल्लेख छ ।
उक्त मेला सेप्टेम्बर ३० देखि २ अक्टोबरसम्म न्युयोर्कमा आयोजना गर्ने भनी प्रचार प्रसार गरिएको छ । नेपालको व्यापार प्रर्वद्धनका लागि मेला आयोजना गर्ने आयोजकले दाबी गरेका थिए । नेपालको निजी क्षेत्रको मुख्य संस्था एफएनसीसीआईले आफ्नो संलग्नता नहरेको वताएपछि मेला विवादमा परेको हो । यस अघि पनि अमेरिकामा आयोजना गरिएको यस्तै मेला विवादमा परेको थियो । यही कारण तत्कालीन उद्योग मन्त्रीले पद गुमाएका थिए ।
.PNG)
महासंघले विज्ञप्तिमा अमेरिकाको न्यूयोर्कमा आयोजना हुन लागेको उक्त मेलामा यस महासंघको कुनैपनि संलग्नता नभएको स्पष्ट पार्दै भनिएको छ , उक्त मेलामा महासंघको संलग्नता बारे कुनै प्रकारको भ्रममा नपर्न सम्बन्धित सबैमा स्पष्ट गर्न चाहन्छौँ । एफएनसीसीआईले मौखिक रूपमा पनि आयोजकलाई महासंघको नाम प्रयोग नगर्ने भनेको स्मरण गराएको समेत विज्ञप्तिमा उल्लेख छ ।
अमेरिकामा व्यवसाय गर्दै आएका सानुवावु सिलवालले आफ्नो फेसबुकमा यो मेला गलत आशयले गर्न लागिएको आरोप लगाउंदै आयोजक माथि थुप्रै प्रश्न उठाएका छन् । मेलालाई उनले मानव तस्करीसंग जोडेर प्रश्नहरू उठाएका हुन् ।
प्रतिक्रिया