धनगढी । कैलालीको अत्तरिया नगरपालिका -४ निवासी ४१ वर्षीय भीमबहादुर कडायतको आफ्नै घरको छतबाट लडेर बिहीबार बिहान मृत्यु भएको छ ।
दुईतले पक्की घरको छतमा सुतेका कडायत बिहान ब्यूँझने क्रममा अचानक छतबाट लडेको इलाका प्रहरी कार्यालय अत्तरियाले जनाएको छ । कडायतको घटनास्थलमै मृत्यु भएको थियो ।
यसैबीच, गोदावरी गाविस- ५का टेकबहादुर ठकुल्लाको कच्ची घर गोठमा बुधबार राति आगलागी हुँदा रु पाँच लाखभन्दा बढीको धनमाल नोक्सान भएको छ ।
गोठमा कीरा, लामखुट्टे भगाउन साँझ बालिएको आगो घरमा सल्केपछि आगलागी भएको जनाइएको छ । रासस
प्रतिक्रिया