मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

नेपाल   

दीक्षित परिवारको अचल सम्पत्ति रोक्का गर्न निर्देशन

दीक्षित परिवारको अचल सम्पत्ति रोक्का गर्न निर्देशन


काठमाडौं । अख्तियार दुरुपयोग अनुसन्धान आयोगले साझा यातायातका अध्यक्ष कनकमणि दीक्षितको परिवारको स्वामित्वमा मुलुकभर रहेको अचल सम्पत्ति रोक्का गर्न निर्देशन दिएको छ ।
 
आयोगले भूमिसुधार मन्त्रालय र मालपोत कार्यालयलाई निर्देशन दिएको हो। आयोगले स्व. रानी जगदम्बाका नाममा स्थापित जगदम्बा दातव्य औषधालय तथा स्व. मदनशम्शेर राणाका नाममा स्थापित मदनधारा समितिका नाममा मुलुकका विभिन्न भागका रहेको जग्गा अनियमितता नहोस् र गैरकानुनी रुपमा प्रयोग नहोस् भन्ने ध्येयका साथ रोक्का गर्न भनिएको जनाइएको छ ।
 
रानी जगदम्बाले विसं २०१५ असोज २४ गतेको लिखतद्वारा आफ्नो नाम अमर राख्ने उद्देश्यले जगदम्बा दातव्य औषधालय स्थापना गर्न आफ्ना सचिव कमलमणि दीक्षितलाई सञ्चालक समितिको सदस्य बनाउने सर्तमा ४० हजार कम्पनी दिएको, सोही उद्देश्यअनुसार तेह्रथुम जिल्लाको आठराई सङ्क्रान्ति र मोरङको दुलारी– ५ मा ४८ बिघा खरिद गरेको अनुसन्धानका क्रममा देखिएको आयोगले जनाएको छ ।
 
यस्तै पाटन कलेजलाई दिइएको भनिएको ललितपुर उपमहानगरपालिका–३ अन्तर्गतका कित्ता ८०, ८१, ८२, ८३, ८४ र ८५ को पाँच रोपनी जग्गा पनि जगदम्बा प्रेसको नाममा दर्ता गरेको देखिएको जनाउँदै आयोगले कनकमणि र कुन्द दीक्षित तथा उनको परिवारको नाममा रहेका अन्य सबै जग्गा पनि रोक्का लगाउनुपर्ने देखिएको आयोगको भनाइ छ ।
 
आयोगले यही जेठ १६ गतेको निर्णयानुसार कमलमणि र उनका परिवारका अन्य सदस्यको नातेदारले हदबन्दीभन्दा बढी लुकाइराखेको १७ रोपनी १३ आना जग्गाका बारे भूमिसुधार ऐन २०२१ बमोजिम कारबाहीका लागि सरकारका विभिन्न निकायलाई पत्राचार गरिएको जनाएको छ ।  रासस