हिमालय खबर संबाददाता-
ड्यालस(अमेरिका) २२ मे २०१६, आईतबार । काउव्वाई स्टेडियमका नामले चर्चित ८० हजार सिटको क्षमता भएको एटीएण्डटी स्टेडियममा आईतबार भएको फुटबल प्रतियोगितामा नेपाली टीम ४-३ ले पराजित भएको छ ।
आईतबार साँझ भास्टिका ड्यालस गोर्खा फुटबल क्लब र सानहोजे फुटबल क्लबबीच अत्यन्तै प्रतिस्पर्धात्मक खेल भएको थियो । निर्धारित ४० मिनेटसम्म दुबै तर्फबाट १-१ गोल भएपछि ट्राईबेकरमा सानहोजेले ३ का विरुद्ध ४ गोल प्रहार गरेको थियो ।
नेपाली टीमलाई उत्साह बढाउन नेपाली समाज टेक्ससका अध्यक्ष कृष्ण लामिछाने लगायत पदाधिकारीहरु, नेपाली जनसम्पर्क समिति अमेरिकाका केन्द्रीय सदस्य हरिबोल भण्डारी, भास्टिकाका गौरी जोशी, नेपाली संस्कृतिक एवंम् आध्यात्मिक केन्द्रका महासचिव सुरेश चन्द्र पोख्रेल, एनआरएन अमेरिकाका कोषाध्यक्ष बेद बस्नेत लगायतका सयौं नेपालीहरु उपस्थिति थियो । अद्रुवाको आयोजनामा 'फ़ेस्टिवल डी फुटबोल हरेक वर्ष हुँदै आएको छ I
प्रतिक्रिया