मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

सिंहदरबार घेराउले यातायात अस्तव्यस्त

सिंहदरबार घेराउले यातायात अस्तव्यस्त


काठमाडौँ । संविधानका केही बुँदाप्रति असन्तुष्ट जनाउँदै आन्दोलनरत सङ्घीय गठबन्धनको सिंहदरबार घेराउ कार्यक्रमले राजधानीको यातायात अस्तव्यस्त बनेको छ ।
 
आइतबार बिहानैदेखि सिंहदरबारको हनुमानथान र माइतीघर मण्डलाम २९ दलीय सङ्घीय गठबन्धनमा आबद्ध दलका नेता कार्यकर्ताको धर्नाले सो क्षेत्रमा यातायात अवरुद्ध बनेको हो । 
 
सिंहदरबार वरपर बाक्लो सङ्ख्यामा सुरक्षाकर्मी आन्दोलनकारीलाई अघि बढ्न नदिने गरी तयारी अवस्थामा तैनाथ छन् भने आन्दोलनकारीले झन्डासहित नारा लगाइरहेका छन् । धर्नामा गठबन्धनका नेता राजेन्द्र महतो, महेन्द्र यादव, राजकिशोर यादव लगायत सहभागी छन् । 
 
सो क्षेत्रमा भएको यातायात अवरुद्धका कारण यात्रु पैदलै गन्तव्यमा जान बाध्य छन् । सिंहदरबार क्षेत्रमा आन्दोलनकारीको धर्नास्थलतर्फ जबर्जस्ती जान खोज्ने सवारीका कारण यातायातका साधन व्यवस्थापन गर्न ट्राफिक प्रहरीलाई हम्मेहम्मे परेको छ । 
 
सरकारले आन्दोलनकारीलाई आन्दोलन तथा विरोधका कार्यक्रम शान्तिपूर्ण रुपमा गर्न आग्रह गर्दै प्रचलित कानुनविपरीत क्रियाकलापमा संलग्न व्यक्ति र समूहलाई हदैसम्मको कारबाही हुने जनाएको छ । विसं २०७२  असोज ३ गते संविधानसभाबाट संविधान जारी भएपछि प्रदेश सीमाङ्कनको विषयलाई लिएर असन्तुष्ट मधेसकेन्द्रित दलले सुरुमा नेपाल भारत सिमानामा आन्दोलन गरेका थिए । 
 
सिमानाको आन्दोलनले अत्यावश्यक वस्तुको आपूर्तिमा असहज भई जनताको दैनिकीमा कठिनाइ भएको बताई गठबन्धनले सिंहदरबारकेन्द्रित  आन्दोलन गरिएको जनाएको छ । यसअघि गठबन्धनले शनिबार राजधानीको ठमेलमा आमसभा गरेको थियो । रासस