दाङ । दाङमा कुटपिटबाट एकजना ज्येष्ठ नागरिकको मृत्यु भएको छ । लक्ष्मीपुर–२ निवासी ६६ वर्षीय ईश्वर दमाईको स्थानीय युवाको कुटपिटबाट मृत्यु भएको हो ।
प्रहरी नायब उपरीक्षक कृष्ण शर्माका अनुसार दमाईलाई बिहान ५ बजेतिर स्थानीय युवाले कुटपिट गरेर सख्त घाइते बनाएको र उनको उपचारका क्रममा राप्ती उपक्षेत्रीय अस्पताल घोराहीमा मृत्यु भएको हो ।
प्रहरीले कुटपिटमा संलग्न तीन युवालाई पक्राउ गरेको छ । गएराति तास खेल्ने क्रममा सामान्य विवाद भएपछि दमाईका छोरा घर आएको र ती युवाहरुले छोराको रिस उनका बुबा ईश्वरी दमाईमाथि पोखेको प्रहरीले बताएको छ ।
छोरालाई कुट्न भनी दमाईको घर पुगेका युवालाई सम्झाउन खोजेपछि ईश्वरी दमाईमाथि कुटपिट भएको प्रहरीले बताएको छ । युवाको कुटपिटबाट सख्त घाइते दमाईको शुक्रबार बिहान ७ः३० बजेतिर उपचारका क्रममा मृत्यु भएको प्रहरीले जनाएको छ । रासस
प्रतिक्रिया