सिकागो (अमेरिका)– अमेरिका भ्रमणमा रहनुभएका नेपाली कांगे्रसका महामन्त्री डा. सशांक कोइरालाले मे दोस्रो साता सिकागोमा नेपाली समुदायसँग भेटघाट गर्नुहुने भएको छ ।
नेपाली जनसम्पर्क समिति इल्लिनोइस च्याप्टरले डा. कोइरालाको स्वागतमा विशेष कार्यक्रम आयोजना गर्दैछ । समितिका सचिव ऋषि गैरेले डा. कोइरालासँग छलफलको लागि नेपाली समुदाय निकै व्यग्र रहेका जानकारी दिनुभयो । मे ८ तारिक अपरान्ह ३ बजेबाट ५४१५ सेरिडन रोडमा कार्यक्रम राखिएको समितिका सभापति भोजराज घिमिरेले बताउनुभयो ।
गत साता अमेरिका आउनुभउका महामन्त्री कोइरालाले यस अघि न्यूयोर्क, भर्जिनिया, ड्यालसमा आयोजित कार्यक्रममा संबोधन गरिसक्नुभएको छ । यसै साता लस एन्जलस र सानफ्रान्सिस्कोमा जनसम्पर्क समितिहरुले आयोजना गर्ने कार्यक्रममा उहाँ सहभागी भएर संबोधन गर्ने कार्यक्रम रहेको छ ।
प्रतिक्रिया