लसएन्जलस, २८ अप्रिल २०१६ । नेपाली कांग्रेसका महामन्त्री डा. शशांक कोइरालाले आगामी मे १ तारिख साँझ ७:०० बजे दक्षिण क्यालिफोर्नियाका नेपालीहरुलाई लसएन्जलसमा सम्बोधन गर्नु हुने भएको छ । नेपाली जनसम्पर्क समिति अमेरिका अन्तर्गतको दक्षिण क्यालिफोर्निया च्याप्टरले उहाँको सम्मानमा आगामी मे १ तारिख साँझ ७:०० बजे स्थानिय आर्टेसिया शहरमा आयोजना गर्ने स्वागत समारोहलाई महामन्त्री कोइरालाले सम्बोधन गर्ने भएका हुन ।
समितिका सभापति मदन पाठकका अनुसार झन्डै दुई साता लामो अमेरिका भ्रमणमा रहनु भएका महामन्त्री कोइराला मातृभूमिको संकटग्रस्त राजनीतिको मुख्य केन्द्र बिन्दु भएको हुँदा उहाँलाई लसएन्जलसमा स्वागत गर्न पाउनु लस एन्जल्सबासी नेपाली अमेरिकनहरुको लागि अवसर हो । पाठकले भने, 'जननायक 'बिपी' पुत्र महामन्त्री कोइराला काँग्रेस, प्रजातन्त्र र मातृभूमिको भबिष्य हुन् उहाँले दक्षिण क्यालिफोर्नियामा बसोबास गर्ने समस्त नेपाली अमेरिकनलाई महामन्त्री कोइरालाको सम्मानमा आगामी आईतबार जनसम्पर्क समितिले आयोजना गर्ने स्वागत तथा सम्मान समारोहमा सहभागी भैदिन आग्रह समेत गरेका छन् ।
गत शुक्रबार आफ्नो दुई साता लामो अमेरिका भ्रमणको क्रममा न्युयोर्क आइपुगेका काँग्रेस महामन्त्री कोइराला न्युयोर्क, भर्जिनिया, टेक्सासको कार्यक्रम सकेर आगामी आइतबार लसएन्जलसका नेपाली अमेरिकनको माँझ आईपुग्नु हुनेछ । कार्यक्रम लसएन्जल्स आर्टेशिया शहरमा १ में २०१६ का दिन तारा हिमालयन कुजिन, 17221 Pioneer Blvd, Artesia, CA 90701 मा साँझ ७;०० बजे हुने भएको छ ।
मे ३ तारिकमा सानफ्रान्सिस्को र ८ तारिकमा सिकागोमा कार्यक्रम राखिएको छ । उहाँ मे ९ तारिकमा नेपाल फर्कने कार्यक्रम रहेको छ ।
प्रतिक्रिया