मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

ग्लोबल   

अमेरिकी विदेशमन्त्री यसैवर्ष नेपाल भ्रमणमा जान इच्छुक (भिडियो सहित)

अमेरिकी विदेशमन्त्री यसैवर्ष नेपाल भ्रमणमा जान इच्छुक (भिडियो सहित)


हिमालयखवर संवाददाता
वासिंटन डिसी (अमेरिका) २५ अप्रिल २०१६ I अमेरिकी विदेशमन्त्री जोन केरीले सन् २०१६ को अन्तिम तिर नेपाल भ्रमण गर्ने अवस्था रहेको नेपालको पराराष्ट्र मन्त्रालयले जनाएको छ । वासिंटन भ्रमणमा रहेका उप्रधान तथा परराष्ट्रमन्त्री कमल थापा र केरी विच सोमवार भएको बैठकमा अमेरिकी विदेशमन्त्रीले संभव भएसम्म यसवर्षमै नेपाल भ्रमण गर्ने इच्छा व्यक्त गरेको मन्त्रालयले जनाएको छ । 
 
यदी सवै पक्ष योजना अनुसार भए यसैबर्ष केरी नेपाल पुग्ने छन् वासिंटन डीसी स्थित नेपाली दुतावास स्रोतले भन्यो । उपप्रधानमन्त्री थापाले नेपाल भ्रमणका लागि आग्रह गर्दा विदेशमन्त्री केरीले यसमा सकरात्मक रहेको जवाफ दिएका हुन् । केरीको यो बर्ष अन्तिम कार्यकाल हो । सन् २०१६ मा अमेरिका राष्ट्रपति निर्वाचन हुदैं छ । जनवरी तेस्रो साता नयां राष्ट्रपतिले कार्यभार सम्हाल्ने छन् । 
 
भेटमा मन्त्री थापाले नेपालको विद्यमान अवस्था, संविधान कार्यान्वयनको अवस्था र भुकम्प प्रभावितको पुर्ननिमार्णका वारेमा जानकारी दिएका थिए । उपप्रधानमन्त्री थापाले अमेरिकी सरकारले गरेको भौतिक र वित्तीयसहयोगका लागि धन्यवाद दिदैं आउने दिनमा थप सहयोगको आशा गरेको वताएका थिए । दुई पक्षिय सम्वन्धलाई अझ प्रभावकारी वनाउन उच्च तहको भ्रमणले सहयोग गर्ने वताउंदै पराराष्ट्रमन्त्री थापाले केरीलाई अनुकुल समयमा नेपाल आउन निमन्त्रण गरेका हुन् । 
 
नेपालीको चाहना अनुसार संविधानमा सुधार हुनु सकरात्मक पक्ष भएको वताउंदै केरीले नेपालको आर्थिक समाजिक विकासमा आर्थिक र राजनीतिक रुपमा सहयोग गरिरहने वताएका थिए । उनले शान्ति सेना मार्फत विश्वमा शान्तिका लागि नेपालले गरेको योगदानको पनि प्रशंसा गरेका थिए । थापा र केरी विचको भेटमा वासिंटनका दक्षिण एशिया हेर्ने उच्च अधिकारीहरुपनि सहभागी थिए । 
 
यस्तै उपप्रधानमन्त्री थापाले कांग्रेसम्यान तथा नेपाल ककस समुहका सह अध्यक्ष जेराड पालिससग पनि छलफल गरेका छन् । थापा केही दिनका लागि हाल अमेरिका भ्रमणमा छन् । 
 
अमेरिकी स्टेट डिपार्टमेन्टका  प्रवक्ताले केरी र थापा बिच सोमबार छलफल भएको र अमेरिकाले आफ्नो सहयोग निरन्तरा जारी राख्ने वताएका थिए I नेपालको महाभूकम्पको एक बर्ष पुगेको बताउदै अमेरिकाले त्यस बेला गरेको सहयोगको बारेमा जानकारी दिएका थिए I