नवलपरासी । पूर्वपश्चिम राजमार्गअन्तर्गत नवलपरासीको दुम्किबास ५, ज्यामिरेमा बुधबारराति भएको सवारी दुर्घटनामा परी दुई जनाको घटनास्थलमै मृत्यु भएको छ ।
पश्चिमबाट पूर्व आउँदै गरेको लु १ ख ७८४५ नम्बरको ट्रकको ठक्करबाट दुई जनाको घटना स्थलमै ज्यान भएको हो । पूर्वबाट पश्चिमतर्फ जादै गरेको एच आर ३८ आर ४४४८ नम्बरको भारतीय ट्रक र पश्चिमबाट पूर्वतर्फ आउँदै गरेको ना ५ ख ८४ नम्बरको ट्रक एकआपसमा ठक्कर खादा कुनै मानवीय क्षति नभए पनि घटनाको अबस्था बुझ्न ट्रकबाट बाहिर निस्कएका ना ५ ख ८४ नम्बरको ट्रक चालक र सहचालकलाई पश्चिमबाट आउँदै गरेको अर्को लु १ ख ७८४५ नम्बरको ट्रकले ठक्कर दिएको हो ।
ठक्करबाट ना ५ ख ८४ नम्बरको ट्रक चालक बाँकेको शम्शेरगञ्ज ८ निवासी ४२ वर्षीय काजु विष्ट र सहचालक दाङ अम्लिया निवासी १८ वर्षीय निरञ्जन चौधरीको ज्यान गएको हो । भारतीय ट्रक चालक फरार रहेका छन् । अन्य चालक र ट्रक प्रहरीको नियन्त्रणमा रहेको इलाका प्रहरी कार्यालय दुम्किबासले जनाएको छ । शव पोष्टमाटर्मका लागि चोरमारा राखिएको छ ।
प्रतिक्रिया