न्यूयोर्क,अमेरिका,मार्च २८- अमेरिकामा रहेका नेपाली संचारकर्मीहरुको संस्था नेपाल अमेरिका पत्रकार संघ(नेजाले आफ्नो पाँचौं अधिवेशन र दशौँ साधारण सभाको तयारीमा जुटेको छ । संघको पाँचौं अधिवेशन आगामी मे ७(८ मा क्यालिफोर्नियाको लस एञ्जलस शहरमा हुन लागेको छ । यसका लागि नेजाले अप्रिल ३ तारिखसम्म मिति कायम गरी सदस्यता विस्तार र नवीकरणको कार्य गरिरहेको छ । नेजा महासचिव भोला आचार्यको संयोजकत्वमा सदस्यता समिति गठन गरी सदस्यता सम्बन्धी प्रक्रिया जारी राखेको छ ।
यसैगरी नेजाका सचिव सुदीप पन्तको संयोजकत्वमा अधिवेशन तयारी मूल समिति गठन गरी अधिवेशनको तयारी र व्यवस्थापन प्रक्रिया अघि बढाइएको छ । समितिले मार्च दोश्रो सप्ताहान्तमा स्थानीय समुदायका अगुवा प्रतिनिधिहरुसंग लस एञ्जलसमा सामुदायिक छलफल समेत गरी अधिवेशनको बारे समुदायलाई जानकारी गराएको थियो । अधिवेशन तयारीका बारे समुदायलाई जानकारी गराउन नेजाका अध्यक्ष गौतम दाहाल,अधिवेशन तयारी समितिका संयोजक सुदीप पन्त र सदस्य अग्नी चौलागाई सहभागी हुनु भएको थियो ।
नेजाको यो अधिवेशनले आगामी दूई वर्षका लागि नयाँ नेतृत्व समेत चयन गर्नेछ।
यसैबीच अधिवेशनको अवसर पारेर नेजाले आफ्नो द्वैवार्षिक प्रकाशन प्रयास समेत प्रकाशन गर्ने तयारी गरिरहेको छ । यसका लागि अध्यक्ष गौतम दाहालको संयोजकत्वमा सात सदस्यीय प्रकाशन समिति गठन गरि कार्य अघि बढाईएको नेजाले जनाएको छ । प्रयास प्रकाशन समितिमा विजय घिमिरे,लेखनाथ भण्डारी,चन्द्र खतिवडा,विष्णु शीतल,विकासराज न्यौपाने र भरत बराइली सदस्य रहनु भएको छ । समितिले आफ्ना सदस्यहरुलाई यही अप्रिल १५ तारिखभित्र आ आफ्ना लेख,रचना उपलब्ध गराई दिन आग्रह गरेको छ । यसैगरी प्रकाशनमा सहयोग गर्न समुदायका विभिन्न पेशा र व्यवसायमा आवद्ध सबैलाई अनुरोध गरेको छ ।
प्रयास प्रकाशन समितिले यस सम्बन्धी जारी गरेको सूचना जस्ताको तस्तै :
प्रयासका लागि लेख,रचना आव्हान यस नेपाल अमेरिका पत्रकार संघ-नेजाले आफ्नो पाँचौं अधिवेशनको अवसर पारेर (प्रयास) नामबाट एक विशेषांक प्रकाशन गर्न लागेको सहर्ष जानकारी गराइन्छ । यस प्रकाशनमा नेजाका आफ्ना गतिविधिसहित पत्रकारितासंग सम्बन्धित आलेख,जानकारी,संस्मरण र अन्य सामाग्रीलाई प्राथमिकता दिइनेछ । यसैगरी पत्रकारिता मार्फत सामाजिक,सांस्कृतिक र आर्थिक पक्षमा भएका सकारात्मक परिवर्तनका सामाग्रीहरु पनि प्रयास मा समेटिने छन् ।
ुप्रयासु आगामी मे ७(८, २०१६ मा लस एञ्जलसमा हुन लागेको नेजाको पाँचौं अधिवेशनमा सार्वजनिक गरिनेछ । तसर्थ यस प्रकाशनमा आ आफ्नो लेख, रचना र सान्दर्भिक सामाग्री आगामी अप्रिल १५ तारिखभित्र निम्न इमेलमा उपलब्ध गराई दिनु हुन नेजाका सबै इच्छुक सदस्यहरु,लेखक,विश्लेषक र सर्जकहरुलाई आग्रह गरिन्छ ।
प्राप्त लेख,रचना प्रकाशनका लागि निर्णय गर्ने अन्तिम अधिकार प्रयास प्रकाशन सम्पादक मण्डलसंग सुरक्षित रहनेछ । लेख,रचना बढीमा दूइ हजार शब्दसम्मको हुनुपर्नेछ । लेख,रचनाका साथ सम्बन्धित लेखकले आफ्नो एकप्रति पासपोर्ट साइजको तस्वीर समेत पठाउनु पर्नेछ । नेपाली भाषाका सामाग्रीलाई विशेष प्राथमिकता दिइनेछ ।
साथै यस प्रकाशनमार्फत आ आफ्नो व्यापाररव्यवसाय प्रवर्द्धन गर्न चाहने र शुभकामना संदेश प्रकाशन गर्न चाहने सबैका लागि विज्ञापनको अवसर समेत उपलब्ध छ ।यसका लागि समेत सम्पर्क गर्नु हुन आग्रह गरिन्छ । लेख,रचना,व्यवसायिक सन्देश [email protected] मा प्रेषित गर्नु हुन आव्हान गर्दछौं ।
प्रयास प्रकाशन सम्पादन समूहको तर्फबाट
गौतम दाहाल – संयोजक
विजय घिमिरे-सदस्य
लेखनाथ भण्डारी-सदस्य
चन्द्र खतिवडा-सदस्य
विष्णु शीतल- सदस्य
विकासराज न्यौपाने-सदस्य
भरत बराइली- सदस्य
प्रतिक्रिया