ड्यालस (अमेरिका)– नेपाल अमेरिका पत्रकार संघ (नेजा)ले आगामी अधिवेशनलाई मध्यनजर गर्दे मध्य–अमेरिकी क्षेत्रका सदस्यहरु वीच अन्तरक्रिया कार्यक्रम गर्ने भएको छ । आगामी मार्च १९ तारिखको दिन ड्यालसमा हुने उक्त कार्यक्रमको तयारी पूरा भएको नेजाका क्षेत्रीय उपाध्यक्ष विकासराज न्यौपानेले जानकारी दिनु भएको छ ।
उक्त कार्यक्रममा नेजाको आगामी मे महिनामा हुन लागेको अधिवेशन तथा सदस्यता विस्तारको विषयमा छलफल गर्न क्षेत्रीय भेला आयोजना गर्न लागिएको हो । नेजाका कोषाध्यक्ष बिटु केसी बरालले अमेरिकाको मध्यक्षेत्रमा कार्यरत नेपाली पत्रकारहरुलाई सदस्यता लिन तथा नविकरण गर्न आह्वान गर्नुभएको छ ।
‘कोही पनि सकृय साथीहरु नछुटुन् भन्ने हाम्रो अपेक्षा छ, यो संस्थालाई सबैको साझा बनाउने हाम्रो अभियान हो,’ उहाँले भन्नुभयो । शनिबारको भेलामा नेजा अध्यक्ष गौतम लगायतका पदाधिकारीको समेत सहभागिता रहनेछ ।
‘भेलामा अमेरिकाको टेक्सास, ओक्लाहोमा, कोलोराडो लगायत राज्यमा कार्यरत नेपाली पत्रकारहरुको समेत सहभागिता रहनेछ,’ बरालले भन्नुभयो । इर्विंग शहर ड्यालसको डिएफ्डब्ल्यू एअरपोर्ट होटलमा साँझ ७ बजेदेखि सुरु हुनेछ ।
यस अगाडि नेजाले न्यूयोर्क, भर्जिनिया, लसएञ्जेलसमा यस्तै अन्तरक्रिया सम्पन्न गरिसकेको छ । नेपाल अमेरिका पत्रकार संघले पछिल्ला दुई वर्षमा समुदायमा केन्द्रित विविध कार्यक्रममा अग्रणी भूमिका निर्वाह गर्दे आएको छ । यस पटकको अधिवेशनले २०१६-२०१८ को लागि नयाँ कार्यसमितिको समेत चयन गर्ने छ ।
प्रतिक्रिया