बर्दिया, २० फागुन । बर्दिया धधवार–८ की २३ वर्षीया सीता चौधरीले आफूले विष सेवन गरी चार वर्षीया जुम्ल्याहा छोरीलाई समेत विष सेवन गराएकी छन् । विष सेवन गराउँदा एक छोरीको मृत्यु भएको छ भने एक छोरी र उनी आफू पनि अशक्त भएकी छन् ।
सीता चौधरीले बुधबार आफू र जुम्ल्याहा छोरी गङ्गा चौधरी तथा जमुना चौधरीलाई नाम खुल्न नसकेको विषादी सेवन गराउँदा अशक्त भएकाले उपचारका लागि तीनैजनालाई जिल्ला अस्पताल लगिएकोमा उपचारका क्रममा गङ्गाको मृत्यु भएको हो ।
यस सम्बन्धमा प्रहरीले आवश्यक अनुसन्धान गरिरहेको जिल्ला प्रहरी कार्यालय बर्दियाका प्रहरी नायब उपरीक्षक नेत्रमणि गिरीले बताउनुभयो । रासस
प्रतिक्रिया